Mac, Drugstore, Zoeva, and Sephora Haul مشترياتي من ماك وزويفا والدرقستور وسيفورا


مساء الخير، مثل ماوعدت بعضكم بالانستا بموضوع مختلف عشان أكسر روتين مواضيع المراجعات 
وبالنسبة لمفضلاتي كل شهر، هالسنة قررت أغير طريقتي والمفضلات بتكون بين فترة وفترة ان شاء الله.. أدري كلكم مشتاقين لهالسلسة ولكن أحس عندي كثير منتجات كثيرة لي وقت طويل أستعملها ومظلومة مالها أي موضوع خاص بمدونتي، تحملوني خلال الشهرين الجاية وإن شاء الله بأنزل سلسلات جديدة وحلوة بمدونتي 
وقراءة ممتعة للجميع 
لكل المتابعات بصمت لاتنسون تشتركون بمدونتي، كل اللي عليكم تضغطون الزر الأزرق"join this site" راح تحصلونه على يمين الصفحة مثل اللي بالصورة

*سبحان الله وبحمده سبحان الله العظيم*



كولكشن روكي هورور شو: 
قصتي مع هالكولكشن تصدع الراس، بدايةً قعدت يوم كامل أستنى الكولكشن ينزل اونلاين وكان عدده جداً محدود بعكس بقية الكولكشنات أنباع تقريباً خلال ٥ دقايق اونلاين ولاقدرت ألحق عليه للأسف 
وبعدها صرت كل ما رحت لمحلات ماك أوصيهم على هذا الكولكشن وأعطيت ثلاث فروع رقمي وكل فترة أذكرهم فيه عشان مايسحبون علي وهالكلام كان قبل ٣ شهور إذا مو أكثر! 
قبل أسبوعين جاني أتصال من فرع ماك أن الكولكشن بينزل يوم السبت الساعة خمسة العصر أنا وقتها جتني جلطة مصغرة وأخيراً بأشتريه ولله الحمد، متخيلين ٣ شهور وأنا قلبي على هالكولكشن شعوري مدري كيف أوصفه كأني وحدة حامل تستنى تشوف ولدها هههههههه (كلن على همة سرى) 
رحت يوم السبت وسنترت عند ماك وصارت شوية حوسة وقتها وأخرتها طلعو الكولكشن وعرضوه وباعوني الروجين هذا 
أخترت درجة Strange journey اللي على اليمين الدرجة كأنها برتقالي محمر أو بوصف ثاني أحمر ناري واليسار Oblivion أحمر بارد ورايق .. 
- السعر: الحبة بـ ١١٧ ريال 

Mac Rocky Horror Show Lipsticks (LE) 
I took two lipsticks of the collection Oblivion and Strange journey 
Oblivion is an orange red shade. 
Strange journey is a bluish red shade. 
- Price: 117 S.R


كولكشن ماك ايزابيل اند روبن توليدو: 
أخترت درجة Oxblood على اليمين لونه خوخي على نيود الدرجة تصيح و Sin على اليسار 

Mac Isabel and Ruben Toledo 
I picked Oxblood and Sin both of these shade gorge .. 


باليت ماك ستوديو كونسيل اند كوركت 
ثاني مره أشتري هذا الباليت ولكن درجة غير، اللي عندي درجته ميديم ديب والجديد درجتة ميديم 
يستاهل كل ريال صراحة، تكلمت عنه بالتفصيل هنـا  

Mac Studio Conceal and Correct Palette
The most amazing palette in the world and yes it consider a repurchase I had the medium deep palette for contouring so I decided this time to pick the medium palette which has my shade NC30 
I did a review about it right Here 


باليت تو فيسد سيمي سويت شوكلت بار
بعد ماوقعت بغرام باليت الشوكلت بار الأصدار الأول من هالماركة قررت أشتري السيمي سويت 
ولكن الصدمة والغبنة أن الباليت وصلني مكسور! مره تضايقت وان شاء الله هذي أخر مره أشحن عن طريق دي اتش ال 
دايم شحناتي تتجمرك عندهم ويدفعوني فلوس زيادة وفوق كذا توصلني مكسرة أو فيها خلل أكره هالشركة وصدق من قال كل رخيص مخيس! 
ياليت ترجع شركة فيديكس بقوتها مثل أول تعبنا من الشركات المعفنة الثانية .. 
قد تعاملت مع ارامكس وكانت تجاربي معهم ممتازة ولله الحمد وتعاملهم وحفظهم للأشياء جداً ممتاز 
وشركة يو بي اس مررررررره غالية ولما أقول غالية أقصد بمعنى الكلمة غالية جربت أشحن كذا غرض عن طريقهم وكنت وقتها مجبورة للأسف صح تعاملهم كويس ولكن مازال السعر يشكل حاجز كبير.. كل اللي أتمناه ترجع شركة فيديكس بقوتها مثل أول .. والبنات اللي يقولون ان شركة فيديكس تكنسلت من السعودية وحل مكانها سمسا غلط يابنات .. فيديكس مازالو موجودين ولكن الأمور عندهم متأزمة وكل الشحنات صارت تستقبل عن طريق البريد السعودي وطبعاً ماله داعي أقولكم قد إيش البريد السعودي مخيس لدرجة أتمنى أشتري اغراضي من هنا ولا إني أشحن عن طريق البريد السعودي .. ولا أنصح أي بنت تشحن عن طريقه عن تجربة .. 
ضيعولي أكثر من ٣ شحنات بمبلغ وقدرة حسبنا الله عليهم، وتتوقعون عوضوني عليها! ولا حتى عبروني وأنكرو اني شاحنه عن طريقهم بالأساس!! شوفو الظلم بس حسبي الله عليهم ماراح أسامحهم على فلوسي اللي ضاعت بكل الثلاث شحنات .. 
- السعر: ٤٩ دولار 
- أماكن الشراء: موقع تو فيسد  

Too Faced Semi Sweet Chocolate Bar 
After I fall in love with my chocolate bar palette I decided to purchase the new palette hoping that I like it as much as the first one .. 
- Price: 49$ 
- Where to buy: Too faced website 


بن ناي بانانا باودر: 
وأخيراً ولله الحمد أحس إني اخر انسانة ع كوكب الأرض تشتريها 
البودرة مطحونة بشكل دقيق وناعم تنور منطقة اللي تحت العين وتعطي مظهر مخملي جميل 
ولكن لاحظت أنها ماتناسب البشرات الفاتحة! فقط الحنطية وأغمق .. مستقبلاً ناوية أشتري درجة بف إن شاء الله .. 
- السعر: ١٥ دولار 

Ben Nye Banana Powder:
I've been eying this bad boy for quite long time and I finally decided to purchase it .. 
all I can say it's deserve every penny .. 
- Price: 15$


باليت فاضي من ماك سينقل: 
بأقولكم أنطباعي الأول عنه ولحد يضحك! الباليت مافيه مغناطيس!!! جربت أحط فيه شدوات ماك وانستازيا وميك اب فورايفر وللأسف ماثبت فيه ولا حتى لصق! يبغالي أحوس فيه لين ما أشوفله صرفه .. 
- السعر: ١٠ دولار اونلاين ، أو ٧٥ ريال بالسعودية 
- أماكن الشراء: موقع ماك أو محلات ماك 


شدوات انستازيا بيفرلي هيلز السنقل : 
شريتهم تقريباً قبل ٤ مدري ٥ شهور أول مانزلو بالموقع .. 
الدرجات من اليمين لليسار 
بيوتي مارك، ريد ايرث، برنت اورنج، دستي روز
- السعر: ٤ حبات بـ ٤٠ دولار 
- أماكن الشراء: موقع انستازيا 

Anastasia Single Eyeshadows
From R to L 
Beauty mark, Red earth, Burnet orange, and Dusty rose
- Price: 4 eyeshadows bundle  =40$ 
- Where to buy: Anastasia website


ايلاينر:
على اليمين ايلاينر لوريال واليسار ميلاني 
- أماكن الشراء: ميلاني ، لوريال 
- السعر: ميلاني ٧.٤٩ دولار ولوريال ٨.٩٥ دولار

Eyeliners
In the right Loreal Infallible liner, and Milani liquid eyeliner 
- Where to buy: Milani, and Loreal 
- Price: Milani 7.49$ and Loreal 8.95$ 


مسكرة جيورجو أرماني الجديدة: 
من زمان أسمع مدح على مسكرات جيورجيو أرماني فقررت أجرب وحدة منهم وإن شاء الله تكون بداية جيدة مع هالماركة .. 
- السعر: حول الـ ١٩٠ 
- أماكن الشراء: هارفي نيكلز أو سيفورا النخيل مول 

Giorgio Armani New Mascara 
- Price: 190 S.R
- Where to buy: Sephora or Harvey Nichols 


صمغ رموش من هاوس أو لاشز: 
بعد ماسمعت مدح ماله أول ولا أخر عنه قررت أشتريه وأنا مغمضة خصوصاً اني ماقريت عنه اي ريفيو سلبي 
- السعر: ٨ دولار 
- أماكن الشراء: موقع هاوس اوف لاشز 

House of Lashes Eyelash Adhesive 
After all the hype and the positive reviews I picked this bad boy .. 
- Price: 8$ 
- Where to buy: House of Lashes website 


غسول كلير من ماركة فيلوسفي: 
بعد ما أدمنت غسول بيورتي من هالماركة حبيت أتعمق أكثر وأجرب بقية غسولاتهم .. شفت الغسول هذا مخصص للبشرة الدهنية وحبيت أجربه .. 
- السعر: ٢٢ دولار
- أماكن الشراء: موقع درقستور

Philosophy Clear Cleanser
This cleanser cut my eye since it's for oily skin so I thought why not! 
- Price: 22$
- Where to buy: Drugstore.com


غسول سيتافيل: 
جاني فضول أجرب هالغسول خصوصاً انه طبي ويناسب لجميع البشرات .. وغير كذا كثير تجيني أسأله عنه بما أنه متوفر بأسواقنا بشكل دائم .. 
- أماكن الشراء: جميع الصيدليات 

Cetaphil Gentle Skin Cleanser
I heard nothing but great things about this cleanser .. I didn't try it yet but I'll update you soon.. 
- Where to buy: any drugstore 


سكرب من ماركة تري هوت:
أجممممل سكرب جربته بحياتي، من زمان خاطري أشتريه ودائماً أتردد وأقول مو لازم 
أخترت سكرب بجوز الهند والليمون الأخضر .. ريحته أتعب وأنا أقول جميلة وبنفس الوقت لذيذة 
كإنطباع أول وتجربه دامت ٣ أسابيع أشوف أن جودته جداً عالية مقارنةً بسعره ويعطي الجسم ريحة حلوة ومنعشة ويترك البشرة ناعمة ويعطيها ترطيب .. (مخصص فقط للجسم) 
- السعر: ٦.٩٩ دولار
- أماكن الشراء: موقع درقستور 

Tree Hut Shea Sugar Scrup
I've always wanted to try this brand and thanks God I did.. Hands down the best body scrub I've tried it so far .. seriously guys you need to try it .. it's only 6.99$ can you believe it!! 
- Where to buy: Drugstore.com


صنفرة/ سكرب للوجه من ST.IVES 
سعره تقريباً ١٣ ريال، شفت أختي تستخدمه وتمدحه وقررت أجربه .. 

ST.IVES Apricot Scrub 
 I saw my sis using this facial scrub and after trying her's I end up purchasing one. 


فرش زويفا:
طبعاً كلكم يعرف أن نقطة ضعفي هي الفرش مقدر أقاوم أبداً .. 
قبل كم شهر شريتلي مجموعة كاملة فرش للعيون من زويفا وثلاث فرش للوجه وبعد مانالت إعجابي حبيت أطلب زيادة من فرش الوجه .. 
- أماكن الشراء: موقع زويفا 

Zoeva brushes 
A couple months ago I've purchased the eye brushes set and 3 face brushes and after trying them I definitely wanted to build my collection and have more and more zoeva brushes .. Yes I'm that kind of girl that can't have enough brushes.. 
- Where to buy: Zoeva website  


 أرقام الفرش من اليمين لليسار 
١٠٩
١٢٦
١٠٧
١٠٠ 
١٢٩

The brush numbers R to L 
109, 126, 107, 100, and 129 


           

Don't forget to Subscribe to my blog and follow me on Twitter, Insta, Flickr, and Tumblr 
لاتنسون تشتركون بالمدونة وتتابعوني على تويتر, إنستقرام, فلكر, وتمبلر

21 comments

  1. هلا رنو ،
    يازينك انتي ومواضيعك ومشترياتك ، مشتريات جميله وتحمس الواحد يروح يشتري ولا يفكر بالفلوس
    حبيت كلامك عن السكرات ووايد يمدحونه بس بشوف اذا متوفر عندنا او اقدر اطلبه

    والميك اب عذااااااب ماتقدرين توقفين وماتشترين شي
    الله يهنيك بكل شي شريتيه وانتي تستاهلين كل خير دلعي نفسك اخر دلع

    ReplyDelete
    Replies
    1. أهلن أهلن بالجمميلة
      يب جداً جممميل السكرب تمنيت لو كنت شاريته من زمان

      هههههههههههههه وربي صادقة مهما أقول خلاص هذي أخر مره اشتري فيها ميك اب القى نفسي بعد يومين جايبة العيد

      ربي يسسسعدلي قلبك على هالدعوة الجميلة ♥♥♥♥♥

      Delete
  2. السلام عليكم
    تتهنين بمشترياتك رنو جداً جميله اختياراتك . انا اشتريت فرش زويفا مجموعه الروز جولد من اربع ايام بس مااعرف متى بالضبط توصل ارسلوا لي رابط dhl
    بس مااعرف توصل لفرعهم او عن طريق البريد السعودي لانه لما اخترت الرابط الانجلش طلع لي البريد السعودي
    ممكن تفيديني كيف استلمتي طلبيه زويفا
    وشكراً رنو استفدت من ريفيوهاتك كثير💕💕

    ReplyDelete
    Replies
    1. وعليكم السلام
      أنا شحنت عن طريق يو اس بي وتقريباً استغرقت شحنتي من الموقع لبريدي الالكتروني اسبوع ونص وبعدها طلبت الشحن السريع من امريكا للرياض فوصلتني بعد ٤ أيام
      إذا كان عن ططريق دي اتش ال فأتوقع بتوصل بمقرهم .. تمنيت لو أقدر أفيدك اكثر بس ماقد جربت الشحن المباشر

      Delete
  3. تتهنين فيهم إن شاء الله

    ReplyDelete
    Replies
    1. ربي يبارك فيك ي جميلة ♥♥♥

      Delete
  4. شكراً رنا الله يعطيك العافيه يارب

    ReplyDelete
    Replies
    1. بحثت أكثر ورجعت لإيميلاتي القديمة عشان أفيدك أكثر
      صح عليك الشحن من الموقع لبريدك الأمريكي يكون عن طريق دي اتش ال
      ويمكن تقعد أسبوع ونص أو أسبوعين على ماتوصل لبريدك الأمريكي أو إذا كنتي تتعاملين مع البريد السعودي فـ بتوصلهم الشحنه

      Delete
  5. مشكوره حبيبتي على الموضوع
    الله يهنيج فيهم

    ReplyDelete
    Replies
    1. الله يسعدلي قلبك ع الدعوة الحلوة ♥♥

      Delete
  6. يعطيك العافيه رنو انا راسلت البريد السعودي وااتتبع شحنتي كمان على الdhl
    وانتظر ردهم لي ان شالله ماتطول وتوصل
    وشكراً كثير على مساعدتك
    دمتي جميله💕🌹🌹

    ReplyDelete
  7. الله يسعدك رنو على الhaul الجميل
    بس حبيت أسالك عن طريقة الشحن للسعودية من المواقع الامريكية!
    لاني كنت اتسوق في أمريكا اون لاين و توصلني لباب بيتي
    بس هنا في السعودية مو متاكدة من الطريقة :/
    كمان حابه اسأل لما تقولي يو اس بي هل تقصدين usps او ups او هل في شركة ثانيه هنا في السعودية

    ReplyDelete
    Replies
    1. شكراً ي جميلة ♥♥
      الوضع هنا بالسعودية مقارب لأمريكا ولكن بأختلافات بسيطة
      تشتركين بشركة وسيطة للشحن مثل ارامكس أو يو بي اس أو فيديكس أو دي اتش ال
      ولما تجين تطلبين، تدخلين جميع الخطوات بشكل طبيعي ومثل ماكنتي تسوين أول ولكن بتغير العنوان إلى العنوان المقدم من الشركة الوسيطة
      وبعدها تنشحن أغراضك من الموقع للبريد الأمريكي ومن البريد الأمريكي للسعودية أو لحد باب بيتك إذا طلبتي خدمة التوصيل ...
      ويمكن تستغرق أسبوعين على ماتوصلك

      هههههههههه كويس نبهتيني، كنت اقصد UPS
      وشكلي جبت العيد وأنا أكتب

      Delete
  8. باليت ماك الي بدون مغناطيس
    ممكن تستخدمين له اللصق الي له جهتين اعتقد موجود بالمكتبات. ((نفس فكره محلات التشوكليت لما يصفونها بالصواني يستخدمون كذا(( علي تشبيه ههههه
    بس يمكن تضبط الفكره. جربيها على جزء صغير اول. او على شي خارجي

    ReplyDelete
    Replies
    1. جربته، شريت من زي باليت دوائر مغناطيس تتلصق بالشدوات ولكن للأسف ماضبط لأن الباليت نفسه مافيه مغناطيس

      Delete
  9. ماشاءالله روووعه اغرااضك تتهني فيهم يااارب
    حابه اسالك من اي موقع اشتريتي بوردة بنانا بن ناي
    ابغى اشتريها ؟
    وشكرا الله يعطيكي العافيه

    ReplyDelete
    Replies
    1. ربي يهنيك ياجميلة
      شريتها من هذا الموقع
      http://camerareadycosmetics.com

      Delete
  10. لو سمحتي انا الان طلبت ودفعت وكل شي
    ارسلوا لي ان فيه مشكلة بالعنوان

    وش اكتب بالعنوان ، هل عنوان الشحن يكتب في خانة
    ( SHIP TO )

    طيب وش اكتب دامهم يوصلونه على الدي اتش ال ؟

    هل اكتب عنوان فرع الدي اتش ال ؟؟

    ولا عنوان بريدي الخاص ؟؟

    ReplyDelete
    Replies
    1. طريقة كتابة العنوان تتم بهالطريقة


      Full Name: اسمك مثل ماهو مكتوب بأشتراكك بشركة دي اتش ال
      Address Line 1 (Street): الوصف المتوفر عندك بعنوان دي اتش ال واللي هو الحي والمكان بالضبط لشركة دي اتش ال بأمريكا
      Address Line 2 (P.O.Box): أي معلومات اضافية موفرينها لك دي اتش ال لوصف البريد الامريكي
      Town/City: الولاية ومتوفرة هذي المعلومات بعنوان دي اتش ال اللي عندك
      Country: المدينة
      Zip/Postal Code: الرمز البريدي ويتكون من ارقام قليلة ماتتعدى الـ ٥ أو ٦ خانات
      Country: المدينة والمعلومات تحصلينها بعنوان دي اتش ال المتوفر عندك
      Phone Number: تكتبين الرقم المتوفر بعنوان دي اتش ال

      Delete
  11. مرحبا رنا... ويعطيك العافية يامبدعة
    متابعة لك وأحبك وأحب تقاريرك وتصوريك
    وعندي استفسار عن بودرة بن ناي حابه أطلبها إن شاء الله
    وبحثت عن تجارب شراء قريت أنه الورلد شيب تمنع شحنها!! إلى الآن ماتواصلت معهم أتاكد صراحة
    فكرت أسالك قبل لأنك مجربة
    وعذرا على السؤال تستخدمين أي شركة لشحنها

    ReplyDelete
  12. بليز ابغى اسئل و ضروري تردي
    الاحين موقع توفايسد احط البيلينق و الشبيبنق نفس بعض و اغير البيلينق لعنوان البطاقه
    وكمان يشحنون لشركات التجميع زي الوورلد شيب
    ولا ركات تحميع عاديه زي اراميكس ياليت تردي علي

    ReplyDelete

Back to Top