About me, نبذة عني

أسمي رنا , من مواليد 1992 

من عشاق قهوة دانكن دونات , و من مدمنين مقاطع اليوتيوب 

أحب اتابع حياة الناس (الفلوقز) , و اتعلم دروس المكياج عن طريق اليوتيوب 
مدمنة مكياج بكل ماتحمله الكلمة من معنى، أؤمن بأن المكياج فن وعالم كبير مليان بالمتاهات ودرج ماله نهاية مافيه أي مرتبة أولى بالمكياج تخليك تعتبرين نفسك خبيرة مكياج وعندك خلفية بكل شي يتعلق فيه لأن المكياج بالنسبة لي مثل العلم كل يوم طالع شي جديد وستايل غريب وطريقة مختلفة لوضع المكياج ومافيه شي أسمه صح أو غلط بهالمجال ولكن فيه شي يناسبني وشي مايناسب ستايلي أو ذوقي أو شكلي أو تركيبة وجهي، بديت أتعلم المكياج عن طريق اليوتيوب وماشاء الله يوم عن يوم يزيد حبي لهالفن أحاول أثقف نفسي قد ما اقدر بكل شي يخص المكياج ومنتجات العناية بالبشرة والشعر، في البداية واجهت صعوبات كثيرة ومنها كيفية وضع الشدو وإتقانة وكيفية وضع الكات ايلاينر والكونتور بس مع التدريب والممارسة ولله الحمد أعتبر نفسي أتقنت جميع الأشياء الأساسية بالمكياج وبين فترة وفترة أحاول أغير بطريقة وضعي للشدو والفاونديشن والبرونز وأتفنن فيهم وأعلم نفسي أشياء جديدة تناسب شكل وجهي وصدقوني مع التنويع أكتشفت أخطائي وصححتها وأكتشفت إيش اللي يناسبني وأرتاح فيه أكثر. ما أقول إني خبيرة مكياج لأن غالباً أواجه بعض المشاكل والأخطاء بالمكياج بس هذا مايعتبر عيب ولا شي يفشل بالعكس فخورة بإنجازاتي وفخورة بنفسي إني مازلت أتعلم وأصحح أخطائي بعكس بعض الناس اللي يرفضون التغيير أو تعلم الأشياء اللي تناسبهم أو تصحيح أخطائهم. 
ودائماً أردد هذا الحديث (إن الله جميل يحب الجمال) وبأظل أردده إن شاء الله دائماً، أتمنى من كل قلبي من خلال تدويناتي ألهم كل بنت بوضع المكياج أو الأعتناء ببشرتها وشعرها وإنها تتجمل لنفسها قبل لاتتجمل للناس. 

           

Don't forget to Subscribe to my blog and follow me on Twitter, Insta, Flickr, and Tumblr 

لاتنسون تشتركون بالمدونة كل اللي عليكم تضغطون الزر الأزرق "join this site" راح تحصلونه على يمين الصفحة. مثل اللي بالصورة.

 وتتابعوني على تويتر, إنستقرام, فلكر, وتمبلر