Mac, Sephora, and Sigma Haul, مشترياتي من ماك وسيفورا وسيقما



Hey guys, today's post will be a collective haul so enjoy and don't forget to subscribe to my blog by pressing the "join this site" blue button you'll find it in the right of the page.

صباح الخير جميعاً والعشر مباركة الله يبلغنا ليلة القدر قياماً واحتساباً 
قبل لا أبدأ ببوست اليوم نفسي أشاركم بموقع جمميل جداً تقدرين تقرين فيه القرآن أونلاين أو تستمعين للقرآن كامل بصوت أي شيخ ومنهم صوت الشيخ ماهر المعيقلي, وسعود الشريم وكثيررر مشايخه. وفيه تفسير كامل للقرآن, وطريقة لفظ كل كلمة. وغير كذا فيه ترجمه باللغة الانجليزية والفرنسية وطبعاً كلنا عارفين ان القرآن ماينقرى الا باللغة العربية, هو فقط مترجم للغرب لفهم الأيات والله أعلم. 
........ 
إممم بوست اليوم بيكون عن مشترياتي من ماك وسيفورا وسيقما. بما إني احب اشوف بوستات وفيديوات مثل كذا فحبيت أشاركم بمشترياتي. فيه بعضها شريتها قبل شهر ونص أول مانزل كولكشن الورينق اكواتيك بالنت وبعضها قبل رمضان 
فيه كذا غرض نزلته بالانستقرام وكان من ضمن اختياراتي لماركة مارك جايكوبز بس ما حبيت اضيفيها لبوست اليوم.
إنشاء الله تستمتعون بالبوست ولاتنسون تشتركون بمدونتي لأن بإشتراكم تحمسوني أقدم أحسن ما عندي وبرضو أطور مدونتي للأفضل ان شاء الله. كل اللي عليكم تضغطون الزر الأزرق "join this site" راح تحصلونه على يمين الصفحة. مثل اللي بالصورة. 


Clinique Cheek Pop Blush Pop in Ginger Pop 
what's makes me the most buy this gorge blush is flower design 
I picked up shade ginger pop I found it more appropriate to wear than the other shades. 
- Price: 21$ 
- Where to buy: Sephora  

بلاشرات كلينيك شيك بوب بلش بوب (جينجر بوب) 
الوردة لحالها تتكلم ماشاء الله, صراحة أهني شركة كلينيك على هالتصميم 
اما درجة جينجر بوب أكثر درجة شدتني من بين الدرجات الثانية, حسيتها خوخي على شوية زهر 
- السعر: ٢١ دولار 
- أماكن الشراء: موقع سيفورا 


Mac Extra Dimension Blush in See Me Hear Me from Collection Alluring Aquatic 
I have to admit I love Mac's extra dimension blushes <3 
and I'll hunt these bad boys until I build my collection of extra dimension blushes. 
This shade I found it a dark pink with a little bit of nude. 

بلاشر (سي مي هير مي) من كولكشن الورينق اكواتيك 
لازم أعترفلكم بإعتراف انا وقعت بغرام بلاشرات ماك الاكسترا دايمنشن, أعجبتني نوعية البلاشر ساتن 
ولونه زهر غامق على شوية بيج. 


Could we please have a moment of silent to admire how gorge the packaging is. 

كولكشن الورينق اكواتيك الباكجنق جداً جمميل وفيه قطرات موية بارزة على العلبة نفسها اما اللون حكاية ثانية 
لون الباكجنق بحري على اسم الكولكشن (أكواتيك) حتى لو ما اعجبكم شي بالكولكشن الباكجنق نفسه مايتفوت 
سمعت ان الكولكشن نزل بالسعودية قبل ٣ أيام 


Mac Pro Longwear Concealer 
So far this is the best concealer I've ever tried, I highly recommend it for every girl looking for a high coverage concealer. 
I've been using it for almost 3 weeks and I'm totally in love with it, doesn't set between the fine lines, high coverage, and doesn't crease. 
I used it for a couple different ways use it to conceal my acne and blemishes, use it under my eye area, and finally I did use it as a foundation and all of them works great to me. 
- Price: 118 S.R, or 19$. 
- Where to buy: Mac stores or website

كونسيلر ماك برو لونق وير 
ياجماااال هالكونسيلر من قبل رمضان بأسبوع وأنا أستعمله جداً جداً جميل وأنصح فيه كل بنت تبي كونسيلر تغطيته عالية.  
إنطباعي الأول, جربته بكذا طريقة الأولى أستخدمته لإخفاء التصبغات والحبوب بوجهي قبل وضع الفاونديشن وكان من جد تغطيته عاليه ومطفي, المره الثانية جربته تحت عيني وماخطط الا يمكن بعد ٤ ساعات وبشكل خفيف مره 
المره الثالثة جربته كفاونديشن وطلع مافيه أحلى منه. 
- السعر: ١١٨ ريال بالسعودية - أو ١٩ دولار  بموقع ماك 
- أماكن الشراء: فروع ماك ولكن حالياً الكونسيلر هذا متوفر بالدرجات الفاتحة فقط بالرياض, تقدرون تطلبونه من موقع ماك


Mac Pigment in Melon 
I ordered the sized to go, so I can try it first. 
I heared a lot of great things about this specific shade, one of the you tubers include it in her video and she recommend it when you are tan or for people whom have a golden skin. 
I used it as a highlighter when I'm tan and it works amazing also I spray a little bit of mac fix plus on my brush than I used it as an eyeshadow. 
- Price: 10$ for the mini size, 130 S.R in Saudi Arabia. 
- Where to Buy: Mac stores or website

بيقمنت ماك أسمه ميلون
طلبت الحجم الصغير لأن مستحيل أخلص علبه كامله
قبل لا أشتري الدرجة هذي بالذات شفت وحدة باليوتيوب مدحته للناس المسويه تان والبشرات الذهبيه وقالت انه راح يطلع حلو بلوك تان ديوي بالصيف. كإنطباع أول, استخدمته قبل ٣ أسابيع في مناسبة كهايلايتر وكان جمميل, والمره الثانية أستخدمته كشدو, بخيت على الفرشة ماك فكس بلس وطلع اللون جداً ناقع وحلو. جربته في لوكين وطلع مافيه احلى منه واللحين حاطه عيني على بيقمنت اسمه كوبر. 
- السعر: ١٠ دولار (الحجم الصغير) الحجم الكبير سعره بالسعوديه ١٣٠ ريال. 
- أماكن الشراء: فروع ماك, أو موقع ماك


Mac Permanent and limited edition lipsticks 
I picked 2 lipsticks from the Alluring Aquatic collection, one lipstick from kelly Osburne, and one permanent lipstick. 
Each lipstick costs me: 16$, 103 S.R 

أرواج ماك الليمتد اديشن والدائمة 
من كولكشن الورينق اكواتيك أخذت روجين, اما كولكشن كيلي اوسبورن ما اعجبني غير روج واحد وبيني وبينكم اخذته عشان الباكجنق, اما من الارواج الدائمه أخذت العشق ميهر 
- السعر: بالسعودية الارواج بـ ١٠٣ ريال, موقع ماك بـ ١٦ دولار 


Right to left 
- Permanent lipstick in Mehr: I'm totally in love with this shade it suits my skin perfectly. 
- Kelly Yum Yum (Kelly Osbourne Collection): Baby pink. 
- Enchanted (Alluring Aquatic Collection): peachy nude lipstick, it's definitely a dupe of kinda sexy lipstick. 
- Mystical (Alluring Aquatic Collection): Mauvy nude lipstick. 

الأرواج من اليمين لليسار 
- ميهر: أحب هالروج مره, يناسب لكل يوم ولكل طلعه. 
- كيلي يم يم ( كولكشن كيلي اوسبورن): فوشي فاقع, بس حلو لونه.
- انشانتد (كولكشن الورينق اكواتيك): اللون هذا خلص بلمح البصر, جممميل جداً نيود. فيه بعض الناس قالو انه يشبه كايندا سكسي المهم انه جمميل والحمدالله لحقت عليه. نوعه مطفي
- ميستكل (كولكشن الورينق اكواتيك): لونه شوي غريب إممم كأنه عنابي على بيج. 


Mac 130 Brush
First let me tell you this is my first mac brush. Unfortunately I purchased 130, and 187 since I got these two the brushes shed like crazy seriously I'm not kidding everytime I do my makeup in one of these brushes I pick up hairs from my face and that's totally annoying for a 42$ brush. After a week of using these two I contact Mac and told them about the shedding also they ask me a couple of Qs and asked me to rerun them. I send both of the brushes to Mac and return 187. they gave me a new 130 brush and thanks God I didn't experience a lot of shedding from the new brush. 
- Price: 42$. 

فرشة ماك ١٣٠ 
آآخ بس معورني قلبي على هالفرشة قصتها قصة, قبل شهر طلبت من موقع ماك فرشة رقم ١٣٠ و ١٨٧ كلهم دوو فايبر. وصلتني الفرش وكنت طايرة من الفرحة وأخيراً بأجرب فرش ماك اللي مافيه احد ما مدحها 
بدايةً غسلتهم ومن ثاني يوم أستعملتهم, الكارثة هنا صارت والله يا بنات إني القط الشعر من وجهي من كثر ماتطيح شعرات الفرشة جداً تضايقت ولا بالأصح عصبت هديت نفسي وقلت شي طبيعي الفرشة تطيح اول مره اصبري عليها >تسلك لنفسها 
ثاني استعمال رابع استعمال والفرشة على نفس الحاله شعراتها تطيح بالهبل هنا انا عصبت ووصلت معاي 
كلمت ماك عن طريق الشات المتوفر بالموقع وشرحت لهم المشكلة وقد ايش معصبة ان فرش بالغلاء هذي تكون جودتها بالأرض اعطتني ايميل ورقم اتصل عليه واقولهم مشكلتي, المهم ارسلت ايميل لهم وبعدها اتصلت على الرقم اللي اعطتني اياه وكلمتني وحدة مراااا حبوبة لو إنها تتكلم عربي احسها بتقول مايكون خاطرك الا طيب 
طلبت مني أرسل الفرش لهم وراح يعوضوني ومن هالكلام, وانا ووجهي طايرة من الفرحة رحت بعد يومين لفيديكس اشحن الفرشتين والطامة الكبرى اللي صارت ان قيمت الشحن وصل لحول الـ ٤٠٠ ريال ! لييييه بأشحن نفسي انا 
المهم طقاق مع الرجال ومن هنا ومن هنا لين ماربك فرجها وشحنتها بأقل من ٤٠٠, لأن حضراتهم حاطينها بكرتون أكبر من جدي يقولون لسلامت المنتج, سلامت ايش بس 
الحمدالله وصلت الفرش لهم وماك ارسلولي ايميل, طلبت ترجيع فرشة ١٨٧ رجعوها بسلام واعطوني فرشة ١٣٠ غير عن الخربانه هذيك ورجعت الفلوس لحسابي بعد اسبوع من الترجيع 
المهم, ماك لا عوضوني ولاهم يحزنون انا اللي دفعت قيمة فرشة ١٣٠ ولا حتى دفعولي قيمة فيديكس الشحن 
( ملاحظة بقية المواقع تدفعلك قيمة شحن البضاعة المرجعة) 
وتوته توته خلصت الحتوته صارت قيمة الفرشة النتفة اكثر من ٤٢ دولار بسبة شحن الترجيع 
- السعر: ٤٢ دولار وعندنا سعرها حول الـ ٢٤٥ ريال 


Real Technique Miracle Complexion Sponge
I've never tried the beauty blender sponge I don't why but I'm sure that I will not pay 20$ for a sponge I have to change every 6 months. one real technique come up with this sponge I was very excited to try it due to I read a lot of great reviews and almost everyone said it's a dupe for beauty blender sponge if not even identical. So I purchase this sponge for only 5$ wow how cheap it is! 
- Price: 5$
- Where to buy: any drugstore. 

أسفنجة ريل تكنيك 
أول شي انا مدري وش فيني على البيوتي بلندر كل الناس شروها الا أنا, وتطمنو ماراح اشتريها 
لأن فكرة اسفنجة بحول الـ ١٠٠ ريال وتتقطع بعد ٣ او ٥ شهور مو داخله مزاجي وفوق كذا مفروض الاسفنجة ماتطول معاك اكثر من الـ ٦ شهور. أشتريلي فرشة تقعد معاي كم سنة أحسنلي من اسفنجه مصيرها تتقطع. 
هذا رأيي انا وكل واحد وحر برأيه وكيف يصرف فلوسه 
المهم, سعر اسفنجة ريل تكنيك بـ ٥ دولار ياااابلاش فيه ارخص!!! يعني بحول الـ ٢٠ ريال لا وغير كذا نص اليوتيوبرز المشهورين يقولون انها افضل من البيوتي بلندر نفسها بسبب تصميمها وبرضو أفضل بديل لها 
الله يديم الرخص, بأجربها وبأقولكم رأيي فيها قريب. 
- السعر: بالنت ٥ دولار, سعرها بصيدلية وايتس بـ ٥٥ ريال. 


Sigma F86 Brush
I heard a lot of great things about this brush on Youtube and I've been eyeing it forever. 
Finally I bought this bad boy almost 3 weeks ago and it works great for applying under eye concealer even in blending foundation. 
- Price: 24$
- Where to buy: Sigma website. 

فرشة سيقما اف ٨٦ 
من زمان حاطة عيني عليها من كثر ما اليوتيوبرز يمدحونها لتوزيع الكونسيلر تحت العين 
الحمدالله شريتها قبل رمضان ومن يوم ما وصلتني وانا أستعملها أعجبتني جداً لمنطقة تحت العين وأنصح فيها للناس الحابين فرشة لتوزيع الكونسيلر, شي ثاني جربتها اكثر من ٣ مرات لتوزيع الفاونديشن كامل الوجه وكانت النتيجة حلوه 
اليوتيوبرز كفو ووفو بمدحها فـ مايحتاج امدحها زيادة هههههههههه 
- السعر: ٢٤ دولار غير قيمة شحنهم الغبيه اللي بحول الـ ٦ دولار 
^ فرش سيقما كانت بـ ١٨ دولار ثمن بـ ٢١ دولار واللحين صارت بـ ٢٤ دولار ياسلام عليهم بدو يطمعون :) 
- أماكن الشراء: موقع سيقما 


Tarte Mascar Light Camera Lashes 
A month ago one of the Youtubers mentioned this mascara in her favs video after seeing this vid I ran to buy this mascara without even searching about reviews or anything. When I got it I felt slightly bad of purchasing this mascara However, after a week I start seeing tarte mascaras everywhere instagram, youtube, and blogs Lol all the bad feeling gone LOL. 
- Price: 20$ 
- Where to buy: Sephora. 

مسكرة تارت لايت كاميرا لاشز 
كنت قبل شهر أشوف فيديو باليوتيوب لوحدة فجأة جابت طاري المسكرة هذي انها تحبها ومن هالكلام 
ومن غبائي شريتها بدون حتى ما أبحث عنها  قلتلكم اليوتيوب هذا يسوي غسيل مخ مره وحدة 
المهم بعد ماشريتها جاني إحساس بتأنيب الضمير, قلت يوووه ياليتني باحثة عنها قبل, والصدمة بعد أسبوع المسكرة هذي صرت اشوفها بوجهي بكل موقع كل بنات الأنستقرام صارو يجيبون طاريها, وفجأة فجأة صارت مسكرة اليوتيوب المفضلة كل الفيديوات صارو يجيبون طاريها هههههههههههه قايلتلكم اليوتيوب هذا غسيل مخ مايلعب 
والله مره انبسطت على طول راح إحساس تأنيب الضمير ولله الحمد.
 لسى ما جربتها إذا بديت أستعملها راح أقولكم رأيي فيها. 
- السعر: ٢٠ دولار 
- أماكن الشراء: موقع سيفورا 


The New Dior Mascara Addict It-Lash 
I've never tried any mascara from dior so I purchase this one to give it a try. 
- Price: I don't exactly remember but I think it's around 175 S.R 
- Where to Buy: Sephora, Debenhams. 

مسكرة ديور الجديدة ديور اديكت ات لاش 
ماقد جربت ولا مسكرة من ماركة ديور فقلت خليني أجرب مسكرتهم الجديدة
- السعر: للأسف ما اتذكر بس اتوقع حول الـ ١٧٥ 
- أماكن الشراء: سيفورا, دبنهامز, وجوه, والمحلات الكبيرة الشبيهه بسيفورا 


           

Don't forget to Subscribe to my blog and follow me on Twitter, Insta, Flickr, and Tumblr 
لاتنسون تشتركون بالمدونة وتتابعوني على تويتر, إنستقرام, فلكر, وتمبلر

19 comments

  1. يعطيك العافيه على البوست رنو .. كونسيلر ماك لحد الحين افضل كونسيلر جربته يجي بعده على طول نارس
    بس للأسف حقي خلص واتوقع مابقى فرع لماك عندنا مارحته وماني محصله درجتي فقلت بلاش اتعب نفسي وانا ادور اطلب افضل اصلا ماقد لقيت شي احبه متوفر في ماك عندنا ، الفرشه هذي جميييله يارنا تستاهل تتعنين لها تدمج لك اي شي كريمي بطريقه سحريه مع اني ما احب فرش ماك لكن هالنتيفه من اهم الفرش عندي
    ماسكارا تارت كآنك تقرين دماغي داخله مزاجي مره ومن شفت يوتيوبر شرت لها ٥ منها هههه دخلت مزاجي اكثر بس عموماً ننتظر رأيك فيها اول
    يعطيك العافيه وتتهنين بمشترياتك يارب :*

    ReplyDelete
    Replies
    1. ربي يعافيك ياقممميل
      يب أنا مثلك قبل لا أطلب من موقع ماك رحت لثلاث فروع وماحصلت درجتي ماعندهم الا الدرجات الفاتحة مره ان سي ١٥ لين ان دبليو ٢٥
      هههههههههههههههههه بهذي صادقة كل ما أعجبني شي بالنت أروح أسأل عنه ما أحصله عندنا
      النتيفه ذي كأني بديت أحبها خصوصاً ان شعراتها ماتطيح مثل الفرشة الأولى
      هههههههههههههههه كأني عرفت مين تتكلمين عنه, قشت كل اللي بالرف كله لدرجة اللي جمبها راحت لفرع ثاني عشان تشتري المسكره هذي, بس قالت ان وحدة لأمها والثانية لأختها ولمرة أخوها
      إمممممم سؤال شاطح شفتي صبغة شعرها !! مره غريبة موف ومدخله الرمادي ثمن الزهر مدري كيف ضبطوها لها
      ربي يعااافيك ويسسسعدك ياحلوه, أمين ياربي ❤❤

      Delete
    2. ايه بالضبط هيا اللي اقصدها ههههههه ضحكتني اللي معها يوم اعطتها نظرة اللي ترى مابقيتي شي ! ، ايه شعرها لونه مره غريب واهم شي انها قالت لهم اذا اعجبكم اكتبوا اذا ماعجبكم لا تقولون وانفلتوا عليها ينتقدون بشعرها :D
      يختي هم يضطبون اي شي احنا عندنا لو نعطيهم لون واضح محدد طبيعي ماضبطوه خليها على الله :)
      ويسعدك ربي :*

      Delete
    3. ههههههههههههههههههه قالتلها إذا تبين أعطيتك وحدة, حسيت بنظرات الثانية تخترقها وش عقبه
      بس جد حلو لون شعرها وغريب, المشكلة ان حتى الصالونات العادية اللي عندهم يضبطون الشي وحنا تحصلينه من أكبر واشهر الصالونات ولا حتى
      تضبط نص الصورة اللي وريتيها اياها, واذا قلتيلهم مو كذا نفخو عليك وعصبو هههههههههههههه والله حاله
      ❤❤

      Delete
  2. الله تجنن مشترياتك
    بنسبة للبيوتي بلندر مره حلوه صراحه مااقدر استغني عنها ولها معي اكثر من ست شهور ولا تقطعت ولا خربت الحمدلله
    بس مايمنع اني اجيب البديل الارخص

    تتهني بمسترياتك حبيبتي وبسألك من اي موقع تطلبين منتجات ماك؟وعلى اي شركه شحنتيهم

    وبالعافية ياعسل

    ReplyDelete
    Replies
    1. كان عندي بديل أرخص للبيوتي بلندر والفنش كان جداً جمميل وتموه العيوب, بس مدري احس بيني وبين البيوتي بلندر الاصلية علاقة غريبه هههههههههههه
      سمعت كذا وحدة تقول انه من الأفضل تغيرينها كل ٦ شهور, والحمدالله انها ماتقطعت عليك ههههههههه لأن مشكلة الأظافر الطوال تخرب ام الدنيا
      ماك أطلبه من موقعهم الرسمي
      www.maccosmetics.com
      اما شركة الشحن انا اللحين فيديكس, كنت ارامكس بس غاليين شوي
      سمعت ان الورلد وايد كويس وفيها خيار تجميع الشحنات وتقدرين تشحنينه على فيديكس او دي اتش ال او ارامكس
      موفرلك كل الخياراك, بس للأمانه ماجربت اتعامل معاهم

      ربي يعافيك ويسسسعدك يا قمميلة ❤❤

      Delete
    2. الورلد شيب* أقصد سوري

      Delete
    3. انا اشحن بالورلدشيب حلوين والله مره مرتاحه معاهم

      ودي اطلب من موقع ماك ان شالله ان الطريقه سهله ببحث عنها

      يعطيك العافيه ياعسل ^^

      Delete
    4. أنتي قد طلبتي طبعاً أونلاين, كل اللي عليك تسوينه تسجلين هنا
      https://www.maccosmetics.com/account/signin.tmpl
      تحطين إيميلك بالخانه اللي ع اليمين new customer
      وبعدها تنتقلين للصفحة الثانية عن طريق الضغط على submit
      بالصفحة الثانية تحطين اسمك واسم العائلة والباسورد والولاية والرقم تبع الورلد شيب اللي معطينك اياه وبالصفحة اللي بعدها اتوقع تعبين
      العنوان تبع الورلد شيب بالضبط و رقم الفيزا, راح يسحبون دولار واحد من الفيزا عشان يتأكدون من صلاحيتها وبعدين بيرجعون الدولار لك
      بعد ماتكملين الخطوات تقدرين تتسوقين عادي
      اذا ماعرفتي أي شي قوليلي وان شاء الله اقدر اساعدك
      ربي يعافيككك ❤❤❤

      Delete
    5. انا عندي حساب بالورلد شيب وسجلت بموقع ماك
      وحطيت كل المعلومات بورلد شيب عند موقع ماك
      الا رقم التلفون يقول ف كل مره غلط

      وش السالفه ؟ ممكن تشرحين كيف طلبتي ؟

      ومدونة جميلة ي طلة

      Delete
  3. لو سمحتي اريد اعرف طريقة الطلب من سيفورا و عن طريق اي شركه تشحنين

    ReplyDelete
    Replies
    1. طريقة الطلب يبغالها شرح بالصور، بس ان شاء الله تكون سهلة بالنسبة لك
      اول شي لازم يكون عندك بريد امريكي +فيزة مخصصة للطلب
      ثاني خطوة بعد مايكون عندك عنوان البريد الامريكي
      تفتحين موقع سيفورا
      وتسجلين بالموقع creat an account
      وبعدها تدخلين كل بياناتك اسمك الكامل وعنوان البريد الامريكي بالتفصيل
      والخطوة الثانية تعبين السلة بمشترياتك ولما تضغطين
      checkout
      راح ينقلك لصفحة جديدة
      تختارين اي منتج تبينه هدية لك + عينة وبعدها
      continue
      بينقلك لصفحة ثانية فيها الاشياء المهمة
      SHIP TO & DELIVERY
      الخانة هذي مخصصة لعنوان بريدك في امريكا
      PAYMENT & PROMOTIONS
      تدخلين رقم الفيزا الكامل وراح تحصلين خانة صغيرة يطلب منك تدخلين رقم الامان اللي هو السكرتي كود بتحصلينه خلف بطاقة الفيزا مكون من ثلاث خانات

      شوفي فيه موضوع يتكلم عن طريقة الطلب من امازون يمكن تاخذين خلفية عن الطلب اونلاين
      http://www.vb.eqla3.com/showthread.php?t=966458

      أنا اشحن عن طريق فيدكس، وسابقاً كنت اتعامل مع ارامكس

      Delete
  4. حبيبتي انا عارفه طريفة الطلب من مواقع ثانيه لكن اللي اعرفه انه سيفورا ما ترسل لشركات اللي ترسل لعناوين متعدده مثل ارامكس. هذا النظام الجديد طبعا ل هذه السنه لكن هل انتي جربتي تطلبي منهم هالفتره؟ اذا يصير راح احول من ارامكس لفيديكس.

    و مشكوره حبيبتي عالبلوق اللي وااايد حلو.

    ReplyDelete
    Replies
    1. معليش ماكان السؤال واضح
      بالعكس أول موقع سيفورا مايقبل يشحن لشركات الشحن مثل ارامكس وفيديكس واللحين يقبل الشحن للكل
      بس كل اللي عليك تسوينه تختارين شيك اوت انترناشونال وبس، خصوصاً اذا كانت اول طلبية لك من الموقع وبعدها تقدرين تسوين تشيك اوت عادي

      Delete
    2. نسيت اقولك اذا سويتي تشيك اوت انترناشونال تختارين امريكا

      Delete
    3. طيب حبيبيتي انتي تتعاملين مع ماي يو اس؟ و هل جربتي تطلبين من سيفورا على ارامكس؟

      Delete
    4. لا مع فيدكس، للأسف ماجربت

      Delete
  5. حبيبتي بسالك بخصوص الطلب من سيفورا انا حابه اطلب منهم اشياء كثثثير مره لكن في ناس قالوا بالشحن راح يكون السعر دبل وغالي عليك من زمان ابغى اطلب بس متردده بخصوص الشحن . بليززز هيلب مي :’(

    ReplyDelete
    Replies
    1. للأسف سيفورا ماصارو يقبلون الفيزة العالمية ..
      يبغالك تعرفين احد مبتعث بأمريكا او اي اجنبية هناك بأمريكا تحولين لها الفلوس وتطلبلك لأن بالوقت الحالي سيفورا الغو طلبات اي بطاقة برا أمريكا
      شوفي الشحن اقل شي ١٠٠ ريال أو ٦٠ ريال يعني اذا جيتي تطلبين لازم تكون طلباتك كثيرة وتستاهل الطلب اونلاين .. يعني حرام مثلاً تطلبين منتج واحد وتشحنينة بـ ٦٠ أو ١٠٠ ريال
      وكل ما كان وزن الكرتون كبير صار قيمة الشحن اقتصادي ومعقول اقرب مثال اذا الوزن ثقيل نوعاً ما يصير بـ ١٥٠ - ٢٠٠
      ولكن ما اعتبره غالي ابداً اذا كانت الطلبات كثيرة ..
      وبرضو ماينفع تطلبين من برا اشياء رخيصة مثلاً خلينا نقول مجموع طلباتك من موقع واحد ١٠٠ ريال ! بتكون قيمة الشحن يا ٦٠ يا ١٠٠! وكذا انتي ما استفدتي من الطلب من برا ابداً

      Delete

Back to Top