First Year In College Advices, and Tips سنة تحضيرية / مستجدة بالجامعة تعالي هنا


حابة أغير وأنوع عن موضوع السنة اللي فاتت اللي هو مستلزمات شنطة الجامعة تقدرون تطلون عليه هنـا 
المهم, بأتكلم اليوم عن أشياء كثيرة ومهمة بالجامعة منها نصائح وكيف تلبسين وايش الاشياء الممنوعة وكيف تتصرفين وتكونين صداقات كل شي يهم الجامعة راح أتكلم عنه اليوم وبأكون صريحة وصادقة ١٠٠٪ أتمنى محد يزعل من بعض النقاط لأني بأكون شفافة معاكم, يعني بأعطيكم إياها على بلاطة ههههههههه يمكن في بعض الكلام أسلوبي دفش شوي بس حاولت أركز على الإيجابيات والسلبيات.
ملاحظة: فيه بعض الكلام ماترجمته بالأنقلش يعني ماله داعي نكب عفشنا عندهم, تجيني كثير كومنتات غبية شوي منهم  وأشياء وأسأله مستفزة فماله داعي أترجم بعض الأشياء اللي تحت لهم. هم لهم عاداتهم وتقاليدهم واحنا لنا عاداتنا وتقاليدنا. وما أتوقع ان موضوع اليوم بيفيد الأجانب أكثر مايفيد بناتنا.
ولكل اللي يتابعون بصمت لاتبخلون علي بإشتراكم بالمدونة كل اللي عليكم تضغطون الزر الأزرق "join this site" راح تحصلونه على يمين الصفحة. مثل اللي بالصورة. أشتراكم راح يسعدني كثير ويحمسني أقدم أشياء كثيرة لكم مستقبلاً إن شاء الله. 

*سبحان الله وبحمده سبحان الله العظيم* 

لبس الجامعة: 
College Clothes


البلايز المفتوحة, حلو شكلها وكشخة بس ما أحب أكثر منها يكفيني ٣ أو ٤ 

I like these flowy Cardigans it looks great on almost everyone 







- بفصل الصيف أشتري شي خفيف ومريح وبنفس الوقت بارد, فيه عندك البلايز الشيفون حلوه ومنظرها مرتب وكلاسيكي وباردة

Blouses are good for summer so comfy and looks classic and pretty for school or college










- التيشيرتات البولو أو بالمعنى العامي التيشيرت أبو قلاب ههههههه النوعية هذي أحب أشتري من بولو, أو رالف لوران, أو جيوردانو, أو إكسبرس, أو تومي هيلفير. الخامة حلوة وتدوم سنين وتنفع للكرف والحر. 


- Polo shirts I love buying them from Ralph Lauran, tommy Hilfiger, Express, or Giordano they have a good polo shirts that lasts for a quite long time. 













- القمصان: أحب القمصان أحسها فخمة وكلاسيكية بالنسبة لي, أنصح فيها وبقوة لازم تشترين على الأقل قميص واحد 
وأبتعدي عن القميص الأبيض السادة وخصوصاً القميص الجينز ترا بطلو يلبسونه.
مثل ماتشوفون مقدر أقاوم اللون الأزرق هههههههههه 


Shirts are so classic and works for college or work 



التيشيرتات/ البلايز/ البولو/ القمصان
- التيشيرتات الكت ممنوعة
- التيشيرتات العادية: فيه كثير تيشرتات حلوه إلا جممميلة ومريحة أبدعي فيها وأضيفي لمستك بكل تيشيرت ونسقي معاه سلسال الستيتمنك إذا تحبين بشرط يكون ناعم السلسال. 

هذي بعض المواقع اللي أشتري منها للجامعة, وإن شاء الله تفيدكم 
- موقع أكسبرس
- أبيركومبي اند فيتش للأسف هالموقع مايقبل الفيزه أضطريت أوصي أهلي يشترونلي كم قطعة من أمريكا. 

أما المحلات اللي عندنا 
- جيوردانو, وأكسبرس, وبولو يو اس, ورالف لوران, وتومي هيلفير كل المحلات هذي حلوه لتيشيرتات البولو 
- بيرشكا, وبول اند بير, وبولو يو اس, وستراديفاريوس, واتش اند ام,وتومي هيلفير, وزارا عندهم تيشيرتات حلوة
- سويت بلانكو, وبول اند بير, وبولو يو اس, ورالف لوران, و زارا, واتش اند ام حلوة قمصانهم. 
- سويت بلانكو, وبول اند بير, وبيرشكا, وزارا, واتش اند ام, و وستراديفاريوس حلوة بلايزهم الشيفون. 
( من باب التحذير فقط ترا نص بنات الجامعة لبسهم من زارا إذا ماتحبين تشوفين كثير لابسين مثلك فأنصحك ماتشترين من زارا ولما أقول نص بنات الجامعة يعني بالكلاس تحصلين بنتين مثلك يب هالقد يشترون من زارا) 

Here's some of my fav websites for shopping 
- Asos 
- Express 

Other stores 
- Giordano, Express, Ralph Lauran, and Tommy Hilfiger have some good polo shirts. 
- Bershka, Paul and bear, Stradivarius, H&M, Tommy Hilfiger , and Zara have a great T-shirts. 
- Sweet Blanco, Zara, Paul and bear, Ralph Lauran, and H&M Have a great shirts.
- Sweet Blanco, Paul and bear, Bershka, Zara, H&M, Forever21, and Stradivarius have great Blouses for school and college. 


تنورة الجامعة 
- اللون الأسود والرصاصي والبني الغامق فقط المسموح
فيه كذا نوع بتنورات الجامعة
- تنورة طويلة نوع عادي سوداء: حلوة ومرتبة, تناسب الكل وخصوصاً البنات المليانات شوي.
- تنورة طويلة سكيني مبطنة سوداء: أحب هالنوع, يناسب الكل نحيفة ولاسمينة, شكلها حلو على الكل بس أشتري نفس مقاسك, لحد يشتري أصغر منه ترا منظرها جداً سيء وغير حضاري لما تكون ضيقة مررررره ومفصلة جسمك خصوصاً إذا كان عندك شويت زوائد بالفخوذ, خذي مقاسك وكل شي بيصير تمام وحلو
- تنورة قصيرة سكيني مبطنة سوداء (قصيرة لنص الساق): جت فترة وطاحو فيها البنات ولما أقول فترة أقصد سنتين مدري ثلاثة, بطلوها البنات منظرها غير حضاري وصارت ممنوعة أصلاً
- تنورة مكسرة واسعة سوداء: لين اللحين هابين فيها البنات, جداً جميلة ولكن فيها عيب واحد ماتناسب الكل, يعني على ناس ايه وناس لاء.
- تنورة  طويلة رصاصي غامق/فاتح: حلوة وتنويع عن الأسود, جت فترة ونص البنات صارو مايلبسون غيرها وبعدين تركوها وراحو للتنورة المكسرة. بس لين اللحين فيه بنات يلبسونها.
- تنورة طويلة بني غامق: تنويع عن الأسود, بس أحرصي تاخذين بني غامق. 

أماكن شراء تنورة الجامعة 
- سوق طيبة: ثلاث ترباع البنات يشترونها من طيبة هذا اذا مو كلهم وعندهم أنواع كثيرة
تنورة طيبة تدوم لفترة طويلة, وحقت كرف وماتخرب بسرعة جودتها عالية وسعرها رخيص 
- سعر التنورة: ٢٠ ريال - ٤٠ ريال على حسب النوع.
- زارا: يبيع تنورات حلوة ولونها أسود مناسبة للجامعة بس خليني صريحة شوي, شريتها السنة اللي فاتت لبستها يمكن ٥ مرات وبعدين نطلتها غير عملية أبداً أبداً بعد كم غسلة بدت تحبب ماحبيتها ولا أنصح فيها ونادر أشوف أحد لابس تنورة من زارا
- سعر التنورة: ١٣٠ ريال أتوقع

أشياء لازم تتجنبينها عند أختيارك تنورة الجامعة 
- التنورة الجينز: هذي حطي عليها مليون أكس لاتفكرين تشترينها أبداً أبداً.
- التنورة البنية: غير اللون الأسود والرصاصي لاتفكرين حتى, واذا تبين تشترين تنورة بنية يفضل تكون غامقة, بني فاتح مرا لا. 
- تنورة غير مبطنة: ليه طيب؟ التنورة الغير مبطنة بالرغم ان لونها أسود الا انها تكون شفافة وتوضح كل شي تحتها.
- تنورة فيها فتحة بالساق: جداً غلططط, أنتي مو رايحة لزواج ولا عزيمة عشان تلبسين شي مفتح صدقيني الناس راح تضحك عليك.
- تنورة منقطة, ولامقلمة ولا مخفسة ولافيها نقش ولا كريستالات ولا التنورة اللي قماشها بلمعة كل هالأشياء لاتفكرين أبداً بلبسها 
ألبسي تنورة سوداء أو رصاصية أو بني غامق سادة فقط مو تنورة رصاصية فيها لونين واحد غامق والثاني فاتح سادة لازم تكون التنورة سادة 


College Skirts
- Black and gray only allowed 
There are so many types of skirt you can choose from 
- Long regular black skirt: works for everyone. 
- Long skinny black skirt: I like this type of skirts it looks great on everyone. 
- Short skinny black skirt: No one wears this type of skirts anymore at college so don't buy it. 
- Maxi skirt: It seems the maxi skirts are the new black at my local college. 
- Long gray skirt: It's good to have something different in your closet in case you get bored of black skirts. 

Where to buy: Zara or Teba'a 

Things you have to avoid when you choose your skirt
- Jeans skirt: don't you ever ever think about getting a jeans skirt for college. 
- Brown skirt: don't purchase other than the black and gray skirt .



أكسسوارات الجامعة 
- سلاسل الستيتمنت: أنيق مظهرها, تقدرين تنسقين كم لبس على سلسال واحد, راح يطلع حلو مع التيشيرتات و بلايز الشيفون.
- السلاسل العادية: بسيطة, وحلوة تقدرين تلبسينها مع كل شي.
- الحلقات: ألبسي أي حلق يعجبك وأنتي تحبينه بشرط مايكون طويل أو أطول من ١ سم.
- السوارة: ألبسي اللي يريحك
- الخواتم: ألبسي اللي يريحك ويناسب ستايلك
- الساعة: أختاري أي ساعة تحبينها وتليق بذوقك وستايلك

أماكن الشراء: 
- آلدو, واتش اند ام, ونيو لوك, وبيرشكا, ومايكل كورس, وبارفواه, وفورايفر٢١.... الخ

أشياء لازم تتجنبينها عند أختيارك أكسسوارات الجامعة
بالسلاسل الستيتمنت لاتشترين شي مبالغ فيه وطويل مره يوصل لين صدرك, أشتري شي ناعم وألوانه هادية تقدرين تلبسينه مع كذا لبس.
- الحلقات: لاتشترين حلقات طويلة أبداً أبداً للجامعة, أول شي منظرة غير مناسب لمكان الجامعة ومايطول عن ١ سم.
- السوارة : لاتلبسين أكثر من ٤ سوارات باليد الوحدة, وحركة إنك تصفين ٢٠ سوارة لين نص يدك مو حلوة صدقيني.
- الخواتم: أكثر من ٤ خواتم باليدين لاتلبسين


- Statement necklaces: It looks so great on every outfit. 
- Necklaces: simple necklaces are so classic and pretty for everyday. 
- Studs Earrings: I like the small earrings for college they are so pretty and simple. 
- Rings: pick something simple and pretty. 
- Watches: wear your fav watch. 

Suggestions: 
Aldo, Michael kors, H&M, Forever21....etc



شنطة الجامعة
لما نجي نتكلم عن شنطة الجامعة أنتي حرة بإختيارك شنطتك أهم شي شنطة مريحة حجمها وسط وماتكون صغيرة مره وبالنسبة للون أنا اعطيك الضوء الأخضر أي لون يعجبك أشتريه برتقالي, أحمر, أصفر, أخضر, فسفوري اللي تبين بس تكفين لاتطقمين الجزمة نفس لون الشنطة أو اللبس ههههههههههه

اقتراحات الأسعار فوق الألف ونص: 
مايكل كورس, كواتش, فيليب ليم, جيفنشي, توري بورش, سيلين, مارك جايكوبز..... الخ

اقتراحات الأسعار تبدأ من ٢٠٠ - ٥٠٠ ريال: 
آلدو, زارا, تشارلز اند كيث, ناين ويست, بارفواه, باريس هيلتون .... الخ


College Handbags: 
When it comes to handbags pick whatever you want and any color you like but don't buy a small handbag pick medium size handbag, or large one. 

Suggestions: 
Michael Kors, Coach, 3.1 Phillip lim, Givenchy, Tory burch, Celine, Marc Jacobs, Aldo, Charles and keith. 



الفلات/ الجزم الرياضية
-الفلات: ألبسي اللي يريحك بالفلات وإذا جيتي تشترين أشتري مثل أسود, أو بيج يعني مثل الألوان الحيادية هذي عشان يتماشى مع كل لبسك.
- الجزم الرياضية وأنتم بكرامة: حلوة وخفيفة وماتتعبك, أشتري شي طبي أو من اديداس, أو نايكي حلوة جزمهم ومريحه وتدوم معاك لوقت طويل.

أشياء لازم تتجنبينها عند أختيارك جزمة الجامعة وأنتو بكرامة 
- الصندل: ولاحتى تفكرين تشترينه، قليل البنات يلبسون صنادل يمكن ٢٪ بس. مو حلو منظر الصندل أشتري فلات مريح وحلو.
- الكعب: لا ثمن لا ثمن لا, حتى لو كان طولك ١٠٠ لاتلبسين كعب, أنتي مو موظفة بالجامعة عشان تلبسين كعب أنتي طالبة وغير كذا الكعب غير عملي والجامعة كبيرة بتضطرين تمشين من مبنى لثاني بمدة قصيرة عشان تلحقين على محاضرتك.

اقتراحات:
- زارا, بيرشكا, آلدو, تشارلز اند كيث, ناين ويست, تومز, توري بورش, بارفواه, مايكل كورس, نايكي....الخ


Shoes: 
Pick something comfortable, classic, and choose neutral colors so it fits all your outfits. And avoid purchasing high heels cuz girl you not gonna attend a party. 

Suggestions: 
- Zara, Bershka, Michael kors ,Tory burch,  Tom's, Nike, Marc Jacobs, Coach, Aldo, Charles and keith.



اللحين نجي للمكياج حبيب ألبي 

الفاونديشن / البي بي كريم
مو خطأ إنك تحطين فاونديشن/ بي بي كريم بالجامعة, أنتي اللحين فتاة عشرينية ولازم تتجملين لنفسك وثانياً للناس عشان تعطين إنطباع كويس للي قدامك.
- بالنسبة للفاونديشن: أنا أفضل الفاونديشن على البي بي كريم
١- تغطيتة أعلى من البي بي كريم
٢- تقدرين تتحكمين بالنتيجة سواء مات (مطفي) ديوي ولا اللي تبينه.
٣- يدوم لوقت أطول.
٤- من رأيي أشوف ان البي بي كريم مايفرق عن الفاونديشن, وقبل لحد يقول شي, فيه بعض الفاونديشنز مخصصة لتحسين البشرة ومضاف عليها سيروم يساعد على توحيد لون البشرة وإزالة التصبغات ... الخ يعني فيه فاونديشن مخصصة لتحسين البشرة وفيه فاونديشن عادي مايسوي شي للبشرة.
٥- أقدر أتحكم بتغطية الفاونديشن عن طريق خلط شوية كريم مع الفاونديشن وبنفس الوقت أقدر أحسن أي فاونديشن بحيث انه مايخرب بشرتي كل اللي أسوية أخلط سيروم تحسين البشرة مع الفاونديشن وبكذا قللت مخاطر الفاونديشن على بشرتي.
- البي بي كريم: خفيفة تغطيتة, مايضر البشرة كثير, وحلو للبنات المبتدئات بالمكياج أو اللي مايحبون يحطون مكياج بشكل عام.

- شطحة: مرة كنت بالجامعة الصباح أحط مكياجي بدورة المياة وأنتم بكرامة, فيه بنتين كانو بالمغسلة اللي جمبي
تخيلو وحدة تعلي صوتها تقول: أول مرة أشوف أحط يحط فاونديشن بالجامعة الناس يحطون بي بي كريم مو فاونديشن مرة وحدة!! > يعني أسمعي ياجارة
هذا أسلوب بنت بالجامعة!! المشكلة البنت عيونها تروع من الكحل, خفي علينا يازوجة نمر بن عدوان!
إذا ما أستخدمتي فاونديشن بالجامعة متى راح تستخدمينة!! سؤال يعني لما تتزوجين مثلاً! المكياج مافيه كبير ولا صغير
مافيه هذا صح وهذا غلط المكياج بشكل عام فن إذا أتقنتيه تقدرين تغيرين ملامح وجهك ١٨٠ درجة
بس فيه فرق لما تكونين حاطة مكياج لجامعة وحاطة مكياج لمناسبة فرقو بينهم
الفاونديشن بالجامعة هدفة تغطية العيوب والتصبغات وأي حبوب أنتي متضايقة منها وغير فخورة فيها من حقك تغطينها بفاونديشن إذا كان هذا بيزيد ثقتك وبيعطي أنطباع حلو للي قدامك بأن شكلك مرتب وحلو وناعم.
كلنا نعاني من حبوب تجينا بين فترة وفترة, كلنا بنات وعارفين البير وغطاة فـ مالة داعي نجرح أحد بكلامنا أو نضايق أحد بمكان الدراسة, أحنا ماجينا نتسلى جايين ندرس تكفون النوعية هذي أنقرضو لوسمحتو هذي مو أسمها جرائة وقوة هذي أسمها قلة أدب وعدم أحترام لخصوصيات وخيارات الناس الشخصية يعني ماله داعي النقد العلني وحطي ببالك الدنيا دوارة ولو تخطين على أحد بيجي أحد اليوم ولابكرة ولابعد سنة يخطي عليك.
أوك أنا شخصيتي قوية وأدخل من أذن وأطلع من الثانية وماتهمني ذا الأشكال, بس إيش ذنب البنات ضعيفات الشخصية أو البنات الأنطوائيات بكلامك ونقدك راح تكرهينهم بأنفسهم بسبب كلمة وحدة طلعت من فمك , راح تزيدين من عزلتهم وأنطوائهم وخوفهم من الناس وتذكري كما تدين تدان.

أشياء لازم تتجنبينها بالفاونديشن/ بي بي كريم 
- لاتشترين درجة أفتح منك. 
- إذا تبين فاونديشن/ بي بي كريم  يعطي لوك برونزي, لاتشترين درجة أغمق منك بكثير ويكون لون جسمك غير عن لون وجهك, إذا تبين لوك برونزي سوي تان لكامل جسمك بحيث يتوحد لونك وماتصير يدينك لون ووجهك لون.  
- إذا جيتي توزعين الفاونديشن أحرصي إنك تحطين على رقبتك عشان تتوحد الدرجة, مو وجهك لون ورقبتك لون.


Makeup for school or college 
Foundation: For me I prefer the foundation over the BB cream for several reasons 
1- It has a high coverage than the BB cream do. 
2- I can control the coverage as much I want if I want a sheer light coverage I mix a little bit of my daily moisturizer with the foundation. 
3- I can also mix any serum with the foundation to correct my skin. 
4- Last for a quite long time more than the BB cream do. 
5- I can control the finish matte, satin or dewey finish whatever I feel wearing. 
BB Cream: Is good for beginners or whom don't like to wear makeup often. 

Things you have to follow when you wear foundation or BB cream for college or school 
- Don't wear a foundation lighter than your skin. 
- Blend your foundation up to your neck. 


الكونسيلر 
إذا كانت بشرتك خالية من العيوب, وبس عندك هالات داكنة تحت عينك أنصحك بالكونسيلر
فيه بعض الكونسيلرات تقلب لرمادي خصوصاً بالمنطة اللي تحت العين, فلازم تتبعين خطوتين قبل وضع الكونسيلر
١- ترطبين منطقة تحت العين
٢- تضعين مصحح, خوخي إذا كانت بشرتك فاتحة, وبرتقالي من ان سي ٣٥ وطالع
٣- كونسيلر اما تطبطبين علية بأصابع يدك لين يندمج أو بفرشة صغيرة.


Concealer 
If you have a clear skin you don't have to wear foundation but If you have a dark under eye circles I recommend you wearing a concealer However you have to follow these steps for a good under eye concealer that don't turn to fray during the day 
1- Put a moisturizer 
2- Correctore to correct your under eye circles 
3- Finally put your concealer 



البلاشرات
- أختاري شي هادي وناعم ويكون الفينيش اما مات (مطفي) أو ساتن (بين المطفي واللمعة)
بحيث يعطي خدودك تورد طبيعي غير مبالغ فيه لأن هدفنا مكياج ناعم يناسب الصباح والجامعة

- بلاشرات ماك: جينجرلي, ميلبا, موكا.
- شانيل: روز انشل, روز إيكرين, روز بيتال.
- بورجوا: رقم ٥٤, ٣٥
- بوبي براون: تاوني, بينك شوقر, واشد روز.
- نارس: ديب ثروت.

أشياء لازم تتجنبينها عند اختيارك بلاشرات الجامعة 
- الدرجات القوية (هالنقطة تختلف من بنت لبنت, البشرات الوسط فيه لهم درجات معينة تعتبر هادية لبشرتهم وهالشي بعد ينطبق على البشرات الفاتحة والغامقة )
- البلاشر المليان شيمر (لمعة)


Blushes
- Pick something simple and not so bright or warm than your skintone so it gives your cheeks that natural look. 
- Pick a matte or satin finish blush. 

Suggestions
- Mac blushes: gingerly, melba, or mocha. 
- Chanel: rose initiale, rose ecrin, or rose petale. 
- Bourjois: 54, or 35
- Bobbi Brown: Tawny, pink sugar, or washed rose. 

Things you have to avoid when you pick blushes for school or college 
- Don't pick a deep blushes 
- avoid picking a shimmery blushes. 


البرونز
- أختاري درجة أغمق منك بدرجة أو ثنتين.

أشياء لازم تتجنبينها عند وضع البرونز 
- فيه فرق بين الكونتور والبرونز وفرق شاسع, الأول يحدد الملامح ويشتت نظر اللي قدامك للأماكن اللي تبين تصغرينها أو تخفينها على حسب هدفك
والبرونز يستخدم لإضافة دفء للبشرة وشتان بين الأثنين, أبتعدي عن الكونتور بالجامعة.
- لاتختارين درجة أغمق منك مثلاً بست درجات لا ماينفع كذا أغمق منك بدرجة ولا ثنتين أحنا بس نبي نضيف دفئ للبشرة لاغير وبإمكانك تتخطين خطوة البرونز إذا كنتي ماترتاحين فيه.


Bronzers 
- Pick one or two shade darker than you. and avoid contouring at the college we only want to give the skin some warmth. 



الحواجب
أهم شي بالموضوع هذا كله الحواجب, الحواجب ثم الحواجب ثم الحواجب يابنات
حتى لو كنتي مستعجلة مره أقلها سوي حواجبك لأن بجد الحواجب تغير المنظر ١٨٠ درجة للأحلى طبعاً
حتى لو ماتحبين المكياج ولاتعرفين راسه من ساسه الحواجب شي أساسي, مفروض حواجبك تجي قبلك بالجامعة ههههههه إيه لهالدرجة مهمة.
أكرر وأعيد الحواجب لازم كل بنت ترسم حواجبها, بس مو شرط إذا مارسمتي حواجبك يعني خلاص أنتي شينة
بس من واقع أشوفه فيه بنات معاي لا حواجب مرسومة ولا روج ولا ذرة مكياج !
ليه ليه كذا يابنات إن الله جميل يحب الجمال, ترا مو حرام ولاعيب إنك تتجملين لأن أولاً وأخراً هذا لنفسك
فيه بنات متزوجات معاي على نفس الحالة ولاذرة مكياج وحالتها حالة والشعر ملفوف بدون نفس مو يوم ولايومين طول السنة أعرفهم من سنين وعلى نفس الحالة حملت وولدت ونفس الستايل نفس لفة الشعر, وترا حتى مصير الزوج يطفش يعني إحنا بوقت فيه يوتيوب, تلفزيون, ومواقع التواصل الأجتماعي أكيد بيناظر من هنا ولا هنا وبيقارن بينك وبين البنات الثانين يمكن يجاملك بكم كلمة بس أخرتها بيطفش, تجملي عودي نفسك عشان يكون روتين لك أو عادة ولاتنسين إذا تزينتي فهو لنفسك أنتي وبس. المهم كأني شطحت شوي وش جاب الزوج بسالفة الجامعة ههههههههه.
تكلمت عن الحواجب وكيفية رسمها بموضوع كامل هنـا  

أشياء لازم تتجنبينها عند وضع وأختيار قلم أو جل الحواجب 
- الدرجة تكون أفتح من لون شعرك بدرجتين أو أقلها درجة. يعني الموضوع كله رسم الحواجب وتعبئتها
- شطحة: الترم اللي فات كنت ماخذة مادة حرة بكلية خدمة المجتمع, وكنت مع بنات أصغر مني مستواهم أتوقع ٤ يعني توهم متخصصين. أتخذو جريمة بحق الحواجب بعضهم كأنهم ماسكين قلم حبر أسود ولا خلينا نقول خطاط أسود الحبر شوية, وراسمين حواجبهم بالخطاط
- لما ترسمين حواجب بلون مثل شعرك, أو أسود غامق اللي قدامك أول مايناظر حواجبك، بالضبط بيتركون وجهك كله ويناظرون حواجبك لأن شكلها جداً ملفت للإنتباه
- أرسمي حواجبك بدرجة أفتح من شعرك وغير معاكسة, يعني مثلاُ شعرك أسود وترسمين حواجبك ببني ! أحنا قلنا أفتح مو عكس >أسلوبي دفش ههههه
- إذا مره ماعندك شي أفتح من شعرك أرسمي حواجبك بيد خفيفة ولاتكثرين من الجل أو القلم


Eyebrows
This step will change your whole face and makes you more pretty. Seriously guys Eyebrows will change your lifes you only have to perfect it and learn how to shape it perfectly. 
Here's this post will help you a little bit 






الكات ايلاينر
بالفترة الأخيرة ماصرت أستغني عن الكات ايلاينر, جمميل على الكل بدون إستثناء, أحسه يكبر العين ويحليها
تقدرين تستخدمين كحل أسود أو بني اللي يريحك

أشياء لازم تتجنبينها عند وضع الكات ايلاينر
- لاتخلين الخط عريض لدرجة انه يملى نص عينك، شوفي الصور اللي فوق هذي أكثر الرسمات المتداولة بالجامعة >حلوة كلمة متداولة خخخخ 
- حتى لو أخطيتي برسم الايلاينر أمسحيه ولاترقعين الرسمه لأن كلما صار الايلاينر عريض كلما خرب ملامح وجهك 
- بعض البنات يظنون ان كلما عرضت رسمة الايلاينر كلما صارت العين اكبر ومن رأيي أحس العكس 
كثير اشوف بنات الله يهديهم نص الجفن كحل! ماصار ايلاينر صار تعبئة جفن هذا 
^ الرسمه اللي فوق أعرض شي تقدرين ترسمينه بالجامعة، وكلما زاد عرض الايلاينر عن اللي بالصورة كلما صار سيء 


Cat eyeliner
For me it a must have it makes the eye bigger and prettier. You can draw a black or brown eyeliner whatever makes you comfortable. 



المسكرة
المسكرة بالنسبة لي المنقذ الأول, إذا كنت مستعجلة وماعندي وقت أحط مكياج أو وصلت الجامعة متأخر ولافيه وقت أضبط نفسي بالحمامات, بشكل سريع أحط المسكرة وصدقوني تغير الشكل تماماً وتشتت نظر اللي قدامك عن بقية وجهك وتخلي تركيزهم بعيونك, مدري إذا انا الوحيدة اللي أحس كذا ولافيه غيري نفس الحالة. لأن شيئين يلفت إنتباهي بالبنت اللي قدامي الحواجب والمسكرة اذا الاثنين هذا تمام ما اشوف بقية وجه البنت هههههههههههههه بتجلدوني صح!
بالمسكرات مافيه شي أسمه هذي تناسب الجامعة وهذي ماتناسب, أي مسكرة تختارينها سواء تكثف او تفرق او تطول الرموش بتطلع عليك حلوه


Mascaras 
If you're in a hurry all you need is a mascara and you're a good to go. 



الأرواج
كثير بنات أسمعهم يقولون الصباح ماينفعله إلا شي هادي صح عليهم ١٠٠٪ , بس بكلامهم هذا ماراعو بقية البنات, أعرف كثير مايناسبهم الا الأحمر أو الأورنج أو الفوشي, ومايرتاحون بغير الدرجات هذي. ماراح أعلق كثير لأن هدفنا بمكياج الجامعة إنك تكونين مرتاحة فيه ويزيد من ثقتك بنفسك. وبعدين رضى الناس غاية لاتدرك.

أقتراحات: 
- من ماك: ميهر, بريف, فوكس, كايندا سكسي, كوزمو, هالف اند هالف, كريم ان يور كوفي, تويق, فيلفت تيدي,كابتيف.
-من ميك اب فورايفر: نوعية روج ارتيست انتينس: ٢٣, ٢٩, ٣٠, ٤, ٥, ٣, ٢
- من ريميل: مجموعة كيت موس: ١٠١, ١٠٢, ١٠٣, ١٠٤, ٨, ٢٦


Lipsticks 
There's some people I know they can't wear nude lipsticks and the other people can't wear a bright lipsticks so what I'm trying to say is wear whatever makes you comfortable and confidant. 

Suggestions: 
- Mac: Mehr, Kinda sexy, faux, brave, cosmo, half n half, creme in your coffee, twig, velvet teddy, and captive. 
- Makeup forever rouge artist intense: 2, 3, 4, 5, 23, 29, or 30. 
- Rimmel kate moss: 101, 102, 103, 104, 8, or 26. 



تسريحة شعرك بالجامعة: 
شعرك ستريت, كيرلي, ولامجعد كله حلو. هذي بعض التسريحات إن شاء الله تفيدكم.
أهم شي لاتجين لافته بإهمال, وغير كذا أحرصي على نظافة شعرك أغسلية كل ٣ أيام على حسب نوع شعرك.
وفيه منتج جداً جميل أسمه (دراي شامبو) تحصلونة في صيدلية بوتس فكرة المنتج إذا كان شعرك من النوع اللي يدهن بسرعة تقدرين تبخين شوي على شعرك وتسرحينه عادي وراح يروح الشكل الزيتي تماماً
الدراي شامبو شي أساسي بنظري لكل بنت جامعة وخصوصاً اللي شعورهم تدهن بسرعة.


School or college hairstyle
Here's some hairstyle that suits college or school. And make sure to shampoo your hair every 3 or 4 days depending on your hair type. If you suffer from an oily hair there's a dray shampoo it will change your life. 


شوية نصائح عن الصديقات
- في السنة التحضيرية صيري أجتماعية أكسبي صداقات البنات, معروف عن السنة التحضيرية بريكاتهم طويلة
وحلو إنك تكونين صداقات منها تكسبين صديقة لك وصديقة دراسة وغير كذا صديقة تقضين وقتك معاها.
أدري أدري أن كلامي غير معقول وبعضكم يقول كيف تفكرين كذا
بالجامعة مافيه شي أسمه صديقتي الصدوقة, نادر تحصلين صديقة مخلصة لك مثل أيام أول
فيه كذا نوع من الصديقات بالجامعة
- صديقة دراسة: تلقينها ٢٤ ساعة معاك وتعاملك كويس وخلاص أنتي حاطة في بالك أنها صديقتك, بس ينتهي الترم لاتعرفك ولاتعرفينها لدرجة تمر قدامك ولاحتى تبتسم لك.
- صديقة مصلحة: أنتي معها بالكلاس عادي, في أيام الأختبارات ولا المشاريع فجأة تقلب إنسانة كويسة معاك وتعاملك كأنك صديقتها الصدوقة وبس تاخذ اللي تبيه منك أو تسوينلها مشروعها أو تشرحينلها جزئية مافهمتها تقلب عليك أو بمعنى أخر ولا كأنها تعرفك.
- صديقة تقضية وقت: هالبنت ماتشوفينها إلا بالبريكات, هالنوعية أكسبيها عشان إذا كان عندك بريك وبقية صديقاتك مو معاك تجلسين معاها ههههههههه أدري إني شريرة بس والله العظيم ان هذا الواقع مو قصدي أكره أحد بالجامعة وبعدين لاتقنعوني أن هالأشكال بس بالجامعة هالأشكال بكل مكان حتى بالمدارس.
- صديقة أم وجهين: معاك تسولف وتضحك ومن وراك تحش فيك ومقطعتك بالكلام لاتثقين فيها عطيها على قد عقلها, ولاتعاملينها بالإساءة بس تجنبي انك ثقين فيها ولا تحشين معاها في بنت ثانية أبداً ابداً لأن اللي يحش من وراك مو بعيدة إنه ينقل كلامك ويحرف فيه. طبعاً هالنوعية مدري وش تبي بالحياة مجرد تسلط, عندهم نقص ربي لايبلانا.
- صديقة دافورة (شاطرة): هذي الأنسانة بالذات تخاف من العين بشكل مو طبيعي, تحصلينها بكل أختبار تحن فوق راسك ماذاكرت ماذاكرت ولافتحت الكتاب ومن هالكلام وبس تطلع من الأختبار تسألينها بكل حسن نية كيف سويتي, هنا عاد تبدأ كذب ماحليت كويس وجبت العيد والفقش هذا وأخرتها محد جاب كامل بالكلاس غيرها. هالأنسانة تجنبي تسألينها عن درجاتها خير شر لأن إذا جابت ٢٩ من ٣٠ بتاخذ غسالك صدقيني هالنوعية يخافون من العين بشكل جنوني, لاتشيلين همها أنتي ذاكري لأختبارك وماعليك من احد حتى لو تشوفينها تصيح قدامك عادي شي طبيعي التمثلية هذي قبل كل أختبار. كل اللي عليك تروحين بزاوية وتذاكرين كويس وتشدين حيلك وماعليك من احد غير نفسك. 
- صديقة مخلصة: الصديقة الصح اللي مثل أيام أول نحصلهم هذي أحتفظي فيها ولاتفرطين فيها بأي سبب كان. نادر تحصلين صديقة مخلصة للأسف هاليومين. 
وأولاً وأخراً كوني صديقة نفسك, لاتثقين بأحد ثقة عمياء وبنفس الوقت لاتهتز ثقتك باللي حولك تصرفي على طبيعتك ولاتتصنعين, أبعدي عن الكذب والصواريخ لأن حبل الكذب قصير, عاملي الناس بالمثل ولكننن لاتردين الإساءة بإساءة تعلمي تتجاهلين أي إساءة تجيك وأحتسبي الأجر عند رب الكريم. وكذا ولاكذا الدنيا حلوة والحمدالله ولاوحدة فيهم أعطتك فلوس ولاشرتلك أكلك ولبستك يعني أنتي مو بحاجتهم لاتتضايقين إذا قابلتي مثل هالنوعية هذا مغزى كلامي.
ولاتنسين تنبسطين بكل دقيقة بالجامعة ماله داعي تتضايقين إذا ماحصلتي صديقات ترا الجامعة مليانة بنات وعادي لو تكونين صداقات مع بنات مستويات عالية أو أقل.

نجي للأستاذات/ الدكتورات 
الأحترام ثم الأحترام, حتى لو أستاذتك تنرفز أو تميز بينك وبين البنات وتفضل بنت وحدة بالكلاس, أو تهزئك أو أي شي أسكتي وأثبتيلها العكس أثبتيلها إنك شاطرة وتستحقين الدرجة العالية.
  ولا تحشين فيها بالسيب ههههههه ترا كثير بنات أنتهى بهم المطاف أن الأستاذة سمعت حشتهم. أكسبي أستاذتك بصفك وأحسني التعامل معها.

طريقة شرح الأستاذات بالجامعة 
فيه وحدة من البنات سألتني عن كيفية طرح الدكتورات والمحاضرات للدرس رديت عليها تحت بالكومنت, وحبيت أعدل على الموضوع وأشرحلكم كيف عشان الكل يستفيد 
من ناحية الدكتورات والمحاضرات تطمنو حلوة طريقتهم بالطرح, وطبعاً طريقة الطرح تعتمد على المنهج
فيه عندك منهج دسم مثل الرياضيات والأحصاء ومواد الأي تي (الحاسب) المحاضرة راح تشرحلك كويس وتفهمك وتقدرين تسألينها متى ماتبين وطريقتها بتكون مثل شرح المدارس 
وفيه عندك منهج يعتمد على الحفظ راح تحصلين الدكتورة فقط تلقي الدرس بدون شرح وتعطيك أمثله على كل جزئية وبرضو فيه مناهج تحسينها كلها سوالف الدكتورة بتتطرق لمواضيع كثيرة وبتتفرع وبتكون طريقتها حلوة مثل طرق الداعيات إذا جو بالمدارس يلقون محاضرةوفيه منهج متسلسل كيف يعني؟ يعني تغيبين محاضرة وحدة يفوتك نص المنهج أو تنشغلين بالمحاضرة تفوتك جزئية مهمة وماراح تقدرين تفهمين بقية المحاضرات بسبب تفويتك لهذي الجزئية بشكل عام لاتشيلين هم شرح الدكتورات وطرحهم مثل المدرسة. وكل دكتورة وشطارتها بتفهميك وتوصيل المعلومة لك بكل سلاسة وسهولة 

بالكلاس
- لاتتأخرين عن المحاضرة, فيه بعض الدكتورات بعد ماتسكر الباب ماتستقبل أي بنت, وبعضهم إذا جيتي متأخرة يحظرونك ساعة وحدة بس والكلاس وقته ساعتين, والبعض الأخر تعطيك سماح الـ ٥ دقايق الأولى وهالشي يعتمد على أسلوب ونظام أستاذتك/دكتورتك.
- لاتاكلين علك هالشي ينرفز الأستاذة/ الدكتورة
- تجنبي الكلام الجانبي
- الجوال, كثير بنات أنطردو أو غيبتهم الأستاذة لأنهم يلعبون بجوالهم. فيه ناس متسامحين ويمشونها لك ينبهونك مره وإذا شافتك ثاني مره ماسكة الجوال غياب.
- شاركي, وأنتبهي لمدرستك/دكتورتك خليها تعرف وجهك وتميزك من بين البنات إنك دافورة ههههههه

 توزيع الدرجات بالجامعة؟ 
- فيه طريقتين بالدرجات
- الطريقة الأولى: ٦٠ درجة أعمال السنة و٤٠ أختبار نهائي, ٢٠ درجة ميد تيرم, ٢٠ درجة ميد تيرم ثاني, ٥ درجات حضور, ٥ درجات مشاركة, ١٠ مشروع أو بحث.
- الطريقة الثانية: ٤٠ أعمال السنة و٦٠ أختبار نهائي, ٢٠ درجة ميد تيرم, ٥ درجات مشاركة, ٥ درجات حضور, ١٠ درجات مشروع أو بحث.

كيف نظام الجامعة بالدرجات/ المعدل
المعدل من ٥, وإذا أخذتي بكل الترمين فوق الـ ٤،٥٠ يعطونك مكافأة تفوق ومقدارها ألف ريال.
وإذا كان معدلك تحت الـ ٢ يقطعون المكافأة عنك لين مايرتفع معدلك أتوقع
وإذا كنتي بسكن الطلاب الجامعة كل شهر ترسل تقرير لأهلك بدرجاتك وماتطلعين من السكن إلا لما يجونك أولياء أمرك مثل أبوك, وإذا أبوك وكل خالك أو عمك فـ يسمح بخالك أو عمك يجي ياخذك بوقت الويكند فقط. ومسموح الزيارة بالويكند فقط يعني أحد يجي يزورك أو ولي أمرك يجي يطلعك ويرجعك بنهاية الويكند.
ومن شروط القبول بسكن الجامعة أنك تكونين عايشة برا الرياض, اما بقية التفاصيل ماعندي علم أبداً.
بس أتذكر ان صديقتي تقول أكل سكن الجامعة غالي.
الدرجات:
٩٥ = +أ ممتاز مرتفع
٩٠ = أ ممتاز
٨٥ = +ب جيد جداً مرتفع
٨٠ = ب جيد جداً
٧٥ = +ج جيد مرتفع
٧٠ = ج جيد
٦٥ = +د مقبول مرتفع
٦٠ = د مقبول
تحت الستين = هـ راسب

أنواع المشاريع 
- إما مسرحية أو ندوة أو بحث أو ترجمة أو برزنتيشن يعني تقدمين بحثك على شكل عرض باوربوينت وتتكلمين قدام الكلاس.
فيه شي نسيت أسمه بس المشروع يكون جوا الكلية تكون لك طاولة خاصة تعرضين فيها منشورات وتقديمات ومن هالكلام وتشرحين للبنات الرايحيين والجايين هههههههه والله مو متذكرة وش يسمونه.
وفي الأخير المشروع يعتمد على أستاذتك/ دكتورتك هي اللي تقرر.



خلينا شوي نتكلم عن أسلوب/وطريقة تعامل بنات التحضيرية 
يصدف إن نص بنات السنة التحضيرية والبنات اللي لسى متخصصين اللي أشوفهم تعاملهم سيء مع الطالبات, طيب لية وش السبب؟
 ترا مو عادي أبداً إنك ترفعين صوتك وتغلطين وتقلين أدبك على الناس! غلطانة مليون بالمية إذا كان هذا تفكيرك بأسلوب بنات الجامعة.
شي ثاني ترفعين صوتك وتتطاولين على أستاذتك! احنا بالجامعة ندلع دكتوراتنا ومستحيل نغلط عليهم بكلمه والله يابنات إنهم يهزؤنا ونبتسم مو قصدي أخوفكم أبداً بالعكس الجامعة أحلى من المدرسة بكثير, وبأسلوبك ولكاعتك تقدرين تكسبين معلمتك/ دكتورتك بصفك وتصيرين صديقتها فوق كذا
آما إنك تتطوالين على اللي تدرسك سواء أجنبية أو سعودية أو أوربية هذا شي غير مقبول
ياليت نغير هالنظرة, بالجامعة مافيه شي أسمه أنتي كبيرة ولا صغيرة أنتي سنة تحضيرية ولا مستوى عاشر
كلنا سواء, لاتغلطين على الناس عشان مايغلطون عليك.

شطحة:  في الجامعة عندنا مبنى يتواجد بمحطة أربعة أسمه خدمة الطالبات متوفر فيه مطاعم وكفيات وصيدلية وسوبرماركت ومكتبة .... الخ وفيه جلسات أنواع وأشكال
كنت أنا وصديقتي عندنا بريك ساعة وندور مكان نجلس فيه, حصلنا ٤ طاولات وعليها كراسي مليانة, وطاولة وحدة فوقها شنطتين. المهم أخذنا طاولة وحدة وكرسيين لأنهم فاضيين بعد نص ساعة جو شلة بنات يمكن ٥ بنات بالضبط مازادو ولانقصو تخيلو تصرفو تصرف مبزرة كنت حاطة لاب توبي فوق الطاولة ونسولف أنا وصديقتي وطاولتنا بعيدة عنهم جت وحدة ووقفت فوق راسي وتهز بطاولتنا!!! خير وش تبين لايكون الطاولة بأسمك! ظليت ساكتة لأني أعرف هالنوعية, يعني عندك ٣ طاولات وكراسي مليانة ضاقت تبين الطاولة اللي معانا! المشكلة مو محجوزة الطاولة!! بس طاولة وحدة اللي فوقها شنطتين تبين تقنعيني ان انتم الخمسة بتقعدون على ٤ طاولات حشى.
بالجامعة شي مو مكتوب بأسمك فهو غير ملك لك حطوها في بالكم, شغل النذالة والتسلط والحركات هذي والله يابنات ماراح تكسبون الا زيادة ذنوب بأذيتكم للمسلم, وغير كذا خلينا نفرض إني تهاوشت مع البنت. ترا فيه أمن بكل شبر بالجامعة ماشاء الله كأنهم نمل. يعني هناك بالمدرسة فيه إداريات هنا فيه أمن, لسى ترا فيه ناس مسؤلين مو تفكرون أن خلاص في الجامعة مافيه لاحسيب ولارقيب.

قبل لا أختم الموضوع أبي أجواب على سؤال يجيني كثير بالأسك
اللي هو كيف أختار تخصصي بالجامعة؟ 
 قبل لا تتخصصين فكري في التخصص هل راح تتقبلينه وتمشين فيه؟ تعرفين أنقلش؟ تأسيسك كويس بالأنقلش؟ هل بتطفشين منه؟ هل بتنفعين نفسك به؟ بتنفعين عيالك مستقبلاً ولا خلاص تتخرجين من جهة والشهادة بس مجرد ورقة تساعد على توظيفك؟ وإيش الوظيفة اللي ممكن تشغلينها إذا تخرجتي؟ وهل فيه أكثر من خيار للوظيفة؟ طيب إذا ماحصلتي وظيفة هل بتخسرين ولا التخصص فادك بتطوير نفسك؟ وهل ينفعلك تخصص كله حفظ بحفظ مثل التخصصات الأدبية, ولا تخصص يعتمد على الفهم مثل التخصصات العلمية؟ بعد ماتجاوبين على هذي الأسئلة وتقررين أي قسم ينفعلك أستخيري ربي  وهذا أهم شي. عودي نفسك تستخيرين ربي قبل أي شي بتسوينه بحياتك.
هذا دعاء الإستخارة, وأسأل الله انه يوفقني وإياكم أجمعين ويأجرنا على كل خطوة نخطيها بحياتنا وكل كلمة ندرسها ويسخرلنا كل من حولنا ياربي
" اللهم إني أستخيرك بعلمك، وأستقدرك بقدرتك، وأسألك من فضلك العظيم، فإنك تقدر ولا أقدر، وتعلم ولا أعلم، وأنت علام الغيوب، اللهم إن كنت تعلم أن هذا الأمر"ويسميه" خير لي في ديني ومعاشي وعاقبة أمري عاجله وأجله فاقدره لي ويسره لي ثم بارك لي فيه،وإن كنت تعلم ان هذا الأمر شر لي في ديني ومعاشي وعاقبة أمري عاجله وأجله فصرفه عني واصرفني عنه واقدر لي الخير حيث كان ثم أرضني به"



           

Don't forget to Subscribe to my blog and follow me on Twitter, Insta, Flickr, and Tumblr 
لاتنسون تشتركون بالمدونة وتتابعوني على تويتر, إنستقرام, فلكر, وتمبلر

14 comments

  1. انتي رائعه بجد ،
    حبيت كل شي كتبتيه وبالعكس انتي جبتي كل الجوانب وبالجامعه تشوفين جميع الاشكال والانواع
    من الشخصيات واوافقك الراي بكل شي ، بس اللبس حلو

    بس احنا كنا نداوم بالعبايه بحكم انه اغلب اللي يدرسونا رجال
    كنا نلبس اللي نبي مع العبايه بس اهم شي الشوز مريح لانه كرف وكل مبنى بعيد عن الثاني

    بس ايام حلوه بالجامعه


    وترى تصوريك جمييل جدا يعجبني دائما

    ReplyDelete
    Replies
    1. أنتي الرائعة والجممميلة وكل شي جميل بالحياة ❤❤
      يب, حلو لما تكون البنت عندها خلفية عن كل شي جديد بحياتها خصوصاً الجامعة عشان ينزال حاجز الخوف والرهبة وتتوقع كل شي

      الله يحلي أيامك ويجعلها كلها راحة وسعادة ياربي
      هههههههههههه يازينك أنتي الجميلة والله, أحرجتيني مدري وش أرد ❤❤❤

      Delete
  2. ربي يسعدك يا جميله ماقصرتي تكلمتي عن كل شي اول وحده تتكلم بضمير وتوضح كل شي مع ان جامعتنا غير عنكم مانتفق الا بنوعيات البنات الله يصلحهم ...
    ربي يسسسعدك سعاده ماتحزنين بعدها ♡♡♡♡

    ReplyDelete
    Replies
    1. ويسسعدلي قلبك ويوفقك ياربي على هالدعوة الجمميلة مثلك ❤❤

      Delete
  3. مشكورة ع هالكلام ، مرره حلو وشامل ، انا اللي يشغل بالي دايما الدكاترة والمحاظرات وطريقة الطرح ، بس عندي سؤال المشاريا انا اختار اي نوع او نفس الدكتورة ؟

    ReplyDelete
    Replies
    1. العفو ياحلوه ❤❤
      من ناحية الدكاترة والمحاضرات تطمني حلوة طريقتهم بالطرح, وطبعاً طريقة الطرح تعتمد على المنهج فيه عندك منهج دسم مثل الرياضيات والأحصاء المحاضرة راح تشرحلك كويس وتفهمك وتقدرين تسألينها متى ماتبين وطريقتها بتكون مثل شرح المدارس
      وفيه عندك منهج يعتمد على الحفظ راح تحصلين الدكتورة فقط تلقي الدرس بدون شرح وتعطيك أمثله على كل جزئية
      وبرضو فيه مناهج تحسينها كلها سوالف الدكتورة بتتطرق لمواضيع كثيرة وبتتفرع وبتكون طريقتها حلوة مثل طرق الداعيات إذا جو بالمدارس يلقون محاضرة
      وفيه منهج متسلسل كيف يعني؟ يعني تغيبين محاضرة وحدة يفوتك نص المنهج أو تنشغلين بالمحاضرة تفوتك جزئية مهمة وماراح تقدرين تفهمين بقية المحاضرات بسبب تفويتك لهذي الجزئية
      بشكل عام لاتشيلين هم شرح الدكتورات وطرحهم مثل المدرسة وكل دكتورة وشطارتها بتفهميك وتوصيل المعلومة لك بكل سلاسة وسهولة
      أما من ناحية المشاريع الدكتورة هي اللي تقرر أي مشروع بتنفذون وبعض الأحيان تعطيكم خيارات وبناءً على تصويت البنات تختار أو تعطيكم مواضيع مختلفة كل مجموعة تمسك موضوع وتبحث عنه أو تسوي عرض عنه
      أتمنى إني أفدتك, وأي سؤال عندك لاتترددين بطرحه

      Delete
  4. ( the sweetest)
    hi rano .. how are you .... i hope your fine
    ما شاء الله البوست صراحة يجنن تطرقتي لكل النواحي من لبس الى ميك اب و كيف تتعاملين مع الناس صراحة استفدت منو رغم اني السنة دي سنة تخرج بس اقرأ البوستات اللي زي كدا حبيت نقطة الميك اب من جد اعاني من دا الشي بنات يطالعونك و انا ما أحب الميك اب الاوفر و لو تشوفيها بس باقي تحط ايشدوز صارخ و جاهزة للحفلة و ينتقدونك ... افتكر صارلي نفس الموقف اضطريت اطلع من البيت بدري و رحت مع صحبتي للدورات المياة - و إنت بكرامة- اسوي ميك اب و فيه وحدة جلست تتطالع انو واه شوفي تحط اساس و صحبتها جالسه بالخطاط الاسود على قولتك
    و حبيت اللبس و التنسيقات انا للتنانير السوداء اكتر شي احسها منقذة صراحة مع اي لوك تدخل و الشنط صراحة ما اميل اشتري الغالي عشان الجامعه احس انها تنكرف و تروح هيبتها ههههههه بس ماتفرق معاي اي ماركة اهم شي شايلة اغراضي و تريحني و بالصنادل اميل للفلات اكثر شي و بالعكس لمن قلتي اسلوبي حيكون دفش انا حسيت انو مرجع لكل شي فكرت ارسلو لبنت اخوي اول سنة بالجامعه و احسها ضايعة ههههه
    المهم ياقلبي اعذرني كنت بارسلك من اول ما نزلتي فرش مارك جايكوبز
    by the way
    مرة تجنن ما شاء الله و بقولك اكثر شي يمدحوا القلوسات حقتهم بس انا مو من محبي القلوس سو ما اميل لها
    و شغلة تانيه - كلامي كتير :) - انا افتكر كنتي تعاني من ودرة شانيل البيضاء فيه وحدة جميلة على التويتر اسمها
    ArtosKSA
    تدخلي مفضلتها كاتبه عن دا الشي فأتوقع انها نفس البودرة شوفي اذا تقدري تستفيدي منها
    كلام كتير ومو مترابط بس والله انا مسافره عن بيتنا و مو لاقيه شبكة زي العالم و الناس حتى ارد عليك يلا اليوم رتبت جدولي
    بس عالبوست القادم إن شاء الله اكون هناك و ارد عليك
    بأنتظار جديدك
    تحياتي

    ReplyDelete
    Replies
    1. فيه أجمل من هالأنسسانة ^ ❤❤
      يااازينك, عادي لاتشيلين هم توصلين بالسلامة ياربي أنتي اللحين أنبسطي وريحي

      ههههههههههه من جد, حتى أنا إذا جيت أسوي مكياجي بالجامعة أحس بعض البنات يناظروني كأني أسوي شي غريب والمشكلة مو هنا
      المشكلة لما تكون هي لاعبة بعيونها ومثل ماقلتي ماخليت كحل وشدو الا وحاطته
      أكره الشدوات بالجامعة وما أفضلها أبداً ماتناسب الجامعة والصباح أبداً
      يالله هانت تتخرجين ياربي على خير وبأعلى الدرجات ياربي ❤

      ههههههههههههههههههه مدري حسيت أسلوبي شوي دفش, لأن فيه بعض البنات مايحبون اللي ينتقد أو اللي يقولون هذا صح وهذا غلط واذا سويتي كذا بيضحكون عليك

      أنا مثلك ما أحب القلوسات كثير, خلينا ع الروج أحسن هههههههههه
      يب يب أعرف أرتوس يازينها جميلة هالبنت, طيرااان بأروح أقرا موضوعها مرا شكراً ياقممميلة ربي يسعدلي قلبك

      Delete
  5. الله الله الله وش هالبوست القيم مره حبيييته ماشالله تكلمتي عن كل الجوانب الحياتيه الجامعيه

    يازين الجامعه مره فله
    على طاري البنات اللي مايكشخون مره كنت بالكلاس بين المحاضرتين طلعت البلشر وجلست اعدله لين قدامي بنت وجهها مافيه ولا حبة ميك اب قالت يووه انتي فاضية كل يوم تحطين مكياج مايمدي

    قلت لها اجل اجي وجهي بالح (بالح يعني اشهب يعني معفن) هههههههههههههه والله احس البنت كرهت نفسها
    يوم جا من بكره لينها حاطه روج احمر وكحل ومتضبطه البنت >> لعلي وريتها شغلها

    .......

    بالنسبة للارواج

    انا صدق تناسبني الالوان الغامقه اكثر بس احاول اتعود على الالوان اللي اهدا لانها تهدي الملامح ومريحه للعين
    الترم اللي فات كنت معلقه على روج شوي غامق ولما جا يوم حطيت بينك قالت لي صدقتي مره حلو هاللون دائما حطيه

    مع اني في تدوينتي سبيت الالوان الغامقه لاني اشوف الوان تروع مو غامقه وبس

    المهم زودتها
    يعطيك الفين عافيه على هالبوست مره حبييييته

    ReplyDelete
    Replies
    1. لا لاتمدحين الجامعة اللحين, خليها وقت ثاني توني راجعة من الجامعة ومبهذليني أنطقيت من ٨ الصباح لين وحدة عشان بس أضيف مادة حرة طلعو عيوني اليوم شروط تعجيزية أول مره يصير معاي كذا بالعادة أسوي كل شي بالنظام ومافيه أسهل منه
      هي حلوة الجامعة بس هالمرة جامعتنا خربتها شوي
      ^ إن شاء الله محد من التحضيري يقرا هالكلام هههههههههههه

      هههههههههههه ايه والله فيه بنات الله يهديهم محرمين على أنفسهم أشياء عادية, نفس حالتي مره سألت صديقتي المتزوجة ليه ماتحطين روج
      قالت لا وعععع ما أحب, انا هنا نقز عرق اللقافة والبثارة فيني قلت ليه يعني ماتحبين! ماتحطين حتى عند زوجك تخيلي وش ردت!! قالت ما أحب المكياج خلقة يختي مدري أرحمها ولا أفتح عيونها على أشياء ثانية ولا أعذرها لأنها مالها ٥ شهور والدة مدري صراحة ربي لاتبلانا أحس قلبته حشش ههههههههههه

      شوفي بالنسبة للأرواج بالصراحة فيه أرواج غامقة أشوفها ع بنات طالعة عليهم ولا أجمل ولكن ع بنات ايه وبنات لاء الأرواج الغامقة ماتناسب الكل يعتمد على الستايل ودرجة البشرة ومن هالكلام
      هههههههههههههههههه تراني أدافع عن البنات اللي يحبون الأرواج الغامقة لأني كنت وحدة منهم يوم من الأيام وكنت ما أحط غير الأحمر وحاسة بمعاناتهم
      الأرواج اللي تروع, مثل اللي تجيك حاطة روج عودي مايل ع الأسود مدري كيف خالطة ذا اللونين هذي اللي تروع يصير شكلها كأنها حاطة ديرمة >بتنجلد

      ياااااازينك ويازين كلاااامك, ربي يعافيك ويسسعدلي قلبي سوالفك توسع الصدر ❤❤
      ماننحرمش ❤

      Delete
    2. هههههههههههههه اما ذا المتزوجه هاتيها اتفاهم معها والله عيب عليها

      صادقه ترا حتى انا يناسبني الغامق بس احاول اتجنبه شوي بالجامعه

      والله يقوفقك وييسر امر هالجدول ياختي

      Delete
    3. هههههههههههههههههههههههههه بأحولها عليك تورينها شغلها

      أممممين ياربي ويسسسعدك ويسهل عليك كل امر عسير ❤❤

      Delete
  6. احس اني داخله الموضوع بعد الزحمة -كالعادة
    بس شي جميل اننا بجامعة وحده ، اتمنى اشوفك بيوم لو ما تخرجتِ يعني")
    تراك سميتي .. انا من النوع اللي ما يحب يكثر مكياج بالجامعة بس لازم احط مسكرا و روج هادي ع الاقل لكن بفترة من الفترات جتني حالة اكتئاب وما صرت احط مكياج نهائي كني طالعة من القبر قسم ههههههههههههه بس الغريب بالموضوع ان كل البنات قالوا اني بدون مكياج شكلي انعم ، الظاهر انهم كانوا متفقين يرفعون معنوياتي وانا مدري ههههههههههه
    بوستاتك كلها جميلة ومتعوب عليها مع اني متخصصة بس مابي افوت شي من مواضيعك ، يسعدك ربي.

    ReplyDelete
  7. صحيح بسألك ، حسب اللي فهمته من كلامك انك ضد الايشادو بالجامعة وللامانه ما قد حطيت شادو بالجامعة بس فيه وحده جربت تحطلي شادو ترابي وطلع اجمل من رسم العين علي وكان منظري رايق اكثر مع الشادو والمسكرا والروج الناعم ، شرايك بالشادو الترابي بالجامعة ؟

    ReplyDelete

Back to Top