Naturebox and Alternative Snacks اشتراك نيتشر بوكس وبدائل صحية لوجبات خفيفة

السلام عليكم جميعاً 
اليوم البوست مايمد للميك اب بأي صلة وإذا شفت فيه تفاعل مع هذا الموضوع بأخصص سلسلة للوجبات الصحية مع الطريقة بالتفصيل بمواضيع قادمة ان شاء الله ... 
ولكل المتابعات بصمت لاتبخلون علي بتفاعلكم وبإشتراكم بمدونتي، كل اللي عليكم تضغطون الزر الأزرق"join this site" راح تحصلونه على يمين الصفحة مثل اللي بالصورة

*سبحان الله وبحمده سبحان الله العظيم*


اليوم بأتكلم عن اشتراك نيتشر بوكس بالبداية خلوني أعطيكم نبذة بسيطة عن الشركة 
فكرة الشركة عبارة عن وجبات خفيفة صحية تساعد الناس الصحيين واللي يسون رجيم على المحافظة على النظام الصحي والتسهيل لهم بأنهم يحصلون وجبات صحية ولذيذة بنفس الوقت ماتتجاوز عدد سعراتها الحرارية فوق الـ ٢٠٠ أو ١٥٠ بحيث كل وجبة مصنوعة من مواد عضوية على حسب علمي وكلها طبيعية والشركة توفر أكثر من ١٠٠ وجبة خفيفة مختلفة وغير كذا كل شهر تنضاف وجبات جديدة ... قبل لاتنطلي وحدة ملقوفة ومن هالكلام حبيت أريحكم مو قاعدة أعلن لهم ولا هم يحزنون الأشتراك ولله الحمد بفلوسي ولكن السبب اللي خلاني أنزل موضوع كامل عن هالشركة أن بالفترة الأخيرة أشتهرت بشكل سريع وملفت للأنتباه ولكل عشاق ومتابعات اليوتيوب فاهمين قصدي مافيه فيديو سواءً كان فلوق ولا مفضلات الشهر ولا حتى ريفيو عادي من قبل البيوتي بلوقرز والفلوقرز الا وجابو طاري هالشركة! 
ما أخفي عليكم جاني فضول كبير أجربها وكنت واثقة ١٠٠٪ أن الأشتراك بينال أعجابي خصوصاً لما شفت الفواكة المجففة عندهم أنا هنا ماقدرت أقاوم .. محدثتكم مدمنة فواكة مجففة .. المهم بالصور اللي تحت بأكتب رأيي بكل شفافية بعيداً عن التصنع والمشي ورا أي شي غريب وغير متوفر عندنا واذا قالو بعض الناس ذا زين بقية ربعنا طارو وراه ... كأني شطحت! 
وقبل لا أبدأ حطو ببالكم أننا شعب يحب البهارات ولو تلاحظون ثلاث ترباع أكلنا فيه طعم ولذة وعاداتنا وتقاليدنا بالأكل تختلف كلياً عنهم وفوق كذا هذي وجبات صحية بحته .. فـ حاولت أراعي بتقيمي كل الأمور اللي ذكرتها وبنفس الوقت هل يستاهل سعرها وهل فيه بدائل أرخص لها وبدائل بأسواقنا ولا مضطرين نشتريها اونلاين! 

رابط الموقع 




الشركة توفر كرتون كعينة تجربينها ببلاش يجي فيها ٤ أكياس صغيرة وكيس كبير من أختيار الشركة نفسها وحظك نصيبك بالنكهات اللي بتوصلك ...
كل اللي عليك تسوينه تشتركين بالموقع وبعدها تضغطين خيار start your free trial
سعر خمس وجبات خفيفة أنتي تختارينهم بنفسك يعني ٥ اكياس بـ ١٩.٩٥ دولار بالشهر الواحد وكل وجبة خفيفة زيادة بـ ٣ دولار .. للعلم أن الوجبات تقدرين تختارينها وتغيرينها كل شهر ..

رابط الموقع 

The website has a free box sample to try before you can subscribe which is great .. all you have to do is sign up and then click  start your free trial ... 
Price: 19.95$ per month and it includes 5 snacks bag that you choose monthly. 
Here's the website link 


ثاني شهر حبيت أطلب دفعة كبيرة تقريباً طلبت ٨ أكياس وجبات خفيفة وبعضها غير متواجدة بالصورة بسبب تكرارها 
وكيستين رميتهم .. 

ركزت أهتمامي على الأشياء اللي أحبها مثل الفواكة المجففة وبرضو أخذتلي سناكات حالية وشي مقرمش .. 

On my second box I've ordered more than 8 snacks I picked mostly brief fruits cuz obviously I'm obsessed with these thing also I picked a couple of diff things .. 



السناك عبارة عن أوراق الكيل المجففة ومبهرة بالطماطم المجففة والثوم
أول سناك صحي أخترته كان أوراق الكيل كثير سمعت عنها وقد إيش مفيد وصحي للجسم فحبيت أجربه

رأيي/ تجربتي: 
شكله كأنه شيبس ومقرمش، طعمه مر وريحته نوعاً ما سيئة.. حاولت أرقعه عن طريق تغميسه بصوص الزبادي ولكن طعمه ماقدرت أتقبله أو بالأصح ماحسيت إني أستمتع وأنا أكله ..
مع العلم إني أحب الطماط المجفف كبهار على المكسرات وقد ذقته بأول كرتون وصلني وكان جميل .. ولكن أعتبر هالمزيج بالنسبة لي أقل من العادي ولايستاهل الأختيار والطلب اونلاين .. 
 الأكل الصحي والدايت عمره ماكان بهالسوء بالعكس فيه وجبات كثيرة صحية وطعمها لذيذ مو شرط يكون أي شي صحي طعمة سيء مثل مابعض الناس يعتقدون! 
وتذكرو السر بالدايت هو انك ماتحرمين نفسك ولا تحطين في بالك أبداً ان الأكل الصحي سيء وبدون طعم ! وبنفس الوقت تكونين راضيه ومقتنعه بأي شي تاكلينه ... 
التقييم: ٥/١ 

Sun-dried tomato garlic kale chips: 
It's crunchy dried kale basically like you're eaten chips however, I didn't like the taste of these kales chips. It has a kind of bitter taste ..  and believe me it's not good at all .. 
I believe that I can make mine from scratch at home and it will be more tasty and better than this one .. 
Rate: 1/5 



تفاح مجفف 
رأيي/ تجربتي: 
حبيت طعمه، جميل وخصوصاً مع تغميسة صوص الزبادي .. 
قوام التفاحة نفسها كويس مو قاسية ولا لينه بالوسط .. وحلى التفاح معتدل .. 
من رأيي أشوف انه مايستاهل الطلب لأن بكل سهولة تقدرين تسوينه بالبيت وبسعر أرخص مايتجاوز الـ ٥ ريال 
بأذكر الطريقة بأخر الموضوع ... 
التقييم: ٥/٤ 

Dried Apple:
I did liked this dried apply actually the consistency of these dried apples are at the point.. they are not to dried which great .. also it has a good amount of sugar that you'll need but please notice that it's not that delicious as the fresh apple. I like to eat it with a yogurt dipping. 
Rate: 4/5  



الخوخ المجفف: 
مدري هل المشكلة فيني ولا من نوعية الخوخ اللي هم مستخدمينها! 
أتذكر الخوخ الطازج طعمه جميل ولذيذ ولكن بالنسبة لي الخوخ هذا لا بأس به .. 
النقطة اللي حبيتها بالخوخ المجفف أن حلاه معتدل بعكس الخوخ الطازج .. أما بالنسبة للنقطة السلبية حسيته قاسي وشكله محطوط بالفرن أكثر من اللازم .. عورتني أسناني وأنا أكله .. وبرضو أحس أطرافه محترقه وواضح طعم الاحتراق .. 
التقييم: ٥/٣.٨ 

Dried California Peaches:
It has the perfect amount of sugar that you'll need if you're on a diet it's not too sweet or bitter .. 
However, I found these peaches are so dry and difficult to chew and at the edges it taste like it's over cooked .. 
Rate: 3.8/5 



الأناناس المجفف:
الوجبة هذي أكثر وجبة مشهورة باليوتيوب بشكل مو طبيعي !! فتوقعاتي كانت جداً كبيرة بالبداية .. 
ريحته لذيذة وتشهي هذا غير شكله المغري .. 
قوام الانانس شبه لين وحلاه معتدل غير كذا فيه حموضة الاناناس اللذيذة .. 
التقييم: ٥/٥ 

Big Island Dried Pineapple: 
This probably my favourite dried fruit snack out of all of these fruits .. it has the perfect pineapple taste that taste a little bit sweet and sour ... Also it's not too dried .. 
Rate: 5/5 


المنقا المجفف: 
قوامه نوعاً ما لين وحلاه معتدل ولكن فيه طعم غريب كأنه طعم احتراق خفيف .. 
بأكون جداً صريحة معاكم، ما أعجبني لسبب واحد فقط .. المنقا اللي أنا دايماً أكله سواءً طازج أو مجفف أجمل وألذ منه بكثير فما أدري إيش الخلل هنا هل المنقا المزروع عندهم سيء ولا إيش .. 
التقييم: ٥/٣.٦ 

Dried Mango: 
It has a weird taste that looks like it burned ummm like it's over cooked you know what I mean right! .. also it's not too dried .. I found that it is not that good for me ... 
Rate: 3.6/5 


بريتزل : 
اللي على اليمين الأبيض بريتزل بالقريك يوقرت وبالعربي الزبادي اليوناني واليسار بريتزل بالتوت اليوناني 
رأيي/ تجربتي: 
بلا منازع من أجمل الوجبات الخفيفة اللي ذقتها شريت من التوت حبتين ومن الزبادي اليوناني حبة وحدة 
طعمه لذيذ وحلاه معتدل وغير كذا يشبع بالنسبة لي تكفيني ٦ حبات خخخخ 
أعجبني المزيج المالح بالحالي .. كل اللي اقدر اقوله لذيذ ولكن مو حلو تكثرون منه لان نسبة الصوديوم عاليه فيه .. 
التقييم: ٥/٥ 
البدائل: ينباع في محل كاندي ديز مثله بالضبط ولكن سعراته الحرارية أكثر .. 

Pretzels:
At the right the greek yogurt pretzels and at the left the blueberry greek yogurt pretzels. 
I honestly like these pretzels it taste so yummmy I highly recommend them .. I just liked these perfect combination together the salty pretzels with the perfect amount of something sweet like the blueberry topping .. 
Rate: 5/5 


بدائل متوفرة بأسواقنا تشبه وجبات نيتشر بوكس : 
Alternative Snacks that you can find at the market:



منقا مجفف:
جممممميل بكل ماتحمله الكلمة من معنى تقريباً الاختلاف الوحيد بينه وبين اللي من نيتشر بوكي ان نسبة الصوديوم عاليه تقريباً ٤٥ مل غرام واختلافات بسيطة ثانية بنسبة المكونات .. 
شريت كثير من هالشركة وكل فترة لازم اشتريلي منه .. جميل طعمه كأنك قاعدة تاكلين منقا طعمه بالضبط نفس المنقا الطازج ولكن عندي تعليق واحد بقوامه فيه بعض قطع المنقا قاسية وبعضها شبه لينه .. يعني حظك نصيبك بالكيسة اللي تشترينها .. 
النقطة السلبية الوحيدة هو عدم توفرها بشكل دائم ومستمر بالسوبرماركت .. للأسف كميتها محدودة وبسرعه تخلص يعني مثلاً بعض الأحيان احصله بالدانوب وشهر يكون مخلص وعلى هذا الحال فأضطريت اذا حصلته اشتريلي ٣ أو ٤ اكياس لأني عارفة اني بأقعد أكثر من شهر وأنا أدوره .. 
حاولت أتواصل مع الشركة بحيث أشتري منهم على الأقل كرتون واحد ولكن ماردو علي .. 
على فكرة الشركة محلية .. 
السعر: ٢٢ ريال 
التقييم: ٥/٥ 

Dried Mango: 
My fav dried food company.. I love this company's dried fruits specially the mango one taste so delicious and like you're eating a fresh mango ... 
Unfortunately the only down side about this company that they are always out of stock ugh! 
I tried to contact them so I can order more but no one answered me! 
- Price: 22 S.R 
Rate: 5/5 




الأناناس المجفف: 
بأقولكم نقطة وحدة مره واضح ان الاناناس منضاف عليه سكر زيادة لأن حلاه غير طبيعي أبداً ولما أكله أحس بندم كأني قاعدة أكل حلاوة! مدري ليه أحس بهالأحساس كل ما أكله مع أن سعراته الحرارية شبه قليلة وخالي من الصوديوم ومكوناته جميلة ومعقولة مثل ماتشوفون بالصورة تحت .. 
بالنسبة لطعمه حالي وبنفس الوقت فيه حموضة الأناناس الحلوة .. 
قوامه شبه لين وأهم شي مايعور الأسنان هههههه 
السعر: ٢٢ ريال 
التقييم: ٥/٤ 

Dried Pineapple:
Ummm I will be honest with you every time I eat one of these pineapple I feel so guilty! I don't know it taste like there's so much sugar on it and like I'm eating candy! yes it taste delicious .. but I don't know what's this weird feeling! 
- Price: 22 S.R 
Rate: 4/5 


بدائل صحية بحيث المكونات متوفرة تقريباً بكل بيت وماتكلف أكثر من ٢٠ ريال 
Alternative Snacks that you can make at home 


تفاح مجفف: 
هالطريقة تعتبر بديلة للتفاح المجفف من اشتراك نيتشر بوكي وغير كذا تقدرون تتبعون نفس الطريقة بأستخدام الجزر أو البطاطس الحلوة أو أي خضار أو فواكة تحبونها .. 

Dried apple: 
This recipe is a dupe or lets be more professional and say it's an alternative to the Naturebox dried apple you can also do the same thing with the carrot, sweet potato or anything you like.. 


أفضل تغميسة/ صوص صحي هو الزبادي ^ 


المكونات:
تفاحتين 
١ ليمون 
قرفة 

الطريقة: 
يتقطع التفاح بشكل سخيف جداً وبعدها يتوزع على الصينية ويتم تتبيله بخلطة القرفة والليمون وثمن نحطه بالفرن لمدة تقريباً ١٥ دقيقة تشمل تحميره على الوجهين .. 

Ingredients: 
2 Apples
1 lemon
cinnamon 

How to make it: 
first you have to chop the apples and it will be better if you chopped it thin slices then put it in an oven tray then put the cinnamon and the lemon in each side.. 
Finally, put it at the oven for 15 minutes ..  


الناتشو الصحي بأستخدام خبز التورتيلا كبديل للبطاطس: 
حبيت هالفكرة جداً خصوصاً أن التورتيلا الوحدة سعراتها الحرارية ماتتعدى الـ ٦٠ كالوري 
تقدرون تختارون اي نكهة تبونها سواءً تورتيلا بالبر أو حارة أو بالسبانخ أي نكهة توفي بالغرض .. 

Healthy Nachos by using tortilla: 
I love this recipe so much and the great part that each tortilla has only 60 calories 


أفضل تغميسة/ صوص صحي هو الزبادي ^ 


المكونات : 
تورتيلا 
زيت زيتون 
ملح 
فلفل 
شطة (على حسب الرغبة)
ليمون 
بخاخ الطبخ اللي يمنع الالتصاق 
علبة بخاخ فاضية وتقدرون تستبدلونها ببادية وانتم تدهنون التورتيلا 

الطريقة: 
نخلط التتبيلة الرئيسية المكونة من زيت زيتون ....الخ ونحطها ع جمب على مانجهز بقية الأشياء
ثاني خطوة نبخ الصينية ببخاخ الطبخ عشان يمنع الالتصاق ثمن نقطع التورتيلا على شكل مثلثات ونصفها على الصينية ونبدأ ندهنها من الخلطة بشكل خفيف وبعدها ندخلها بالفرن لمدة ماتزيد عن الـ ١٠ دقايق ويفضل تكونين قريبة من الفرن ٥ دقايق للوجه اللي قدام وخمس دقايق ثانية تقلبينها ع الوجه الثانية الى ماتتحمر ويصير مقرمشة تشبه نفس تشكيلة بطاطس الناتشو.. 

Ingredients: 
Tortilla
Olive oil 
Salt
Paper 
Hot sauce 
Lemon 
Cooking Spray 

How to make it: 
First mix all the ingredient together the olive oil and the other things then put it beside. 
Then cut your tortilla like a nachos and evenly put it in an oven tray after spraying a little bit of the cooking spray to avoid the sickness... 
Put the sauce that you've mixed it earlier over the tortilla finally put it in the over for almost 10 minutes ... Until it looks crunchy ... 


بالنهاية ما أحس ان الاشتراك مهم جداً أو فيه شي مختلف أو مميز مثل ماتشوفون فيه بدائل كثيرة له بأسواقنا أو حتى احنا نقدر نسويها بالبيت وبأرخص الأسعار وللعلم ان هالوجبات الخفيفة ماتنحف هي بس وجبات صحية وسعراتها الحرارية قليلة ومو وجبات سحريه تنحفك ١٠ كيلو بيوم وليلة! 
يمكن العجازات يحتاجونها بحياتهم هههههههه بس بالنسبة لي ما أشوف ان الاشتراك شي مهم أو مميز فما تستاهل عناء الطلب اونلاين ...

           

Don't forget to Subscribe to my blog and follow me on Twitter, Insta, Flickr, and Tumblr 
لاتنسون تشتركون بالمدونة وتتابعوني على تويتر, إنستقرام, فلكر, وتمبلر

5 comments

  1. تو شفت حسابك بالاكسبلور وعلى طول دخلت للمدونة أول موضوع أقرأه لك حبيبيييييته وحمستيني بعد

    ReplyDelete
  2. دا أول موضوع أقرأه لك حبييييت خاصة أني مو صحبه مع السناكات الصحية بس ان شاء الله نجرب البوكس حمستيني

    ReplyDelete


  3. عارفه ؟ في حياتي كلّها ماحبيت فاكهه مُجففه غير المشمش ! وَ ما اكله مِن مكان برضو وَ إنٌما توصيه من سوريا
    ع أيام ماكانت الناس تسافر لها :(
    الله يفرج عنهم يارب
    عموماً كانت عندي تجارب جداً تجارب سيئة في الفاكهة المُجففه بعضها كان طعمها بلاستيكي وَ صٍناعي ، أبداً طَعم غير مُستساغ !
    أول ماقريت المدونه سويت برنت سكرين للمنجا المُجفف كوني اعشق المنجا جداً ع أساس لما اروح التميمي - دايماً اشوفه وَ اسفهه - راح اخذه
    عاد أمس كنت بـ أسواق المزرعه وَ صُدفه لقيته ! بدون تردد اخذته
    توقعي ايش ؟
    هذا الشي العجيب كان سحوري :)
    لذييذ جداً جداً جداً ، مررره حبيته وَ طمعه من جد يشبه المنجا الطبعي
    ياختي حبيتج زود لمّا جربته ع نصيحتج :)
    عاد ان شاء الله هذا الشي راح يكون ضمن تجهيزات الجامعه ، شي لذيذ وَ مشبع :)

    وحشتيني جداً وَ كـ العادة مقصرة بـ ردودي عليج :(
    عيدج مبارك مُقدماً وَ تقبل الله أعمالج


    ReplyDelete
  4. جَمال التدوينات الصحيه *.*
    بقولك عن تغميسه صحية ولذيذه/
    افوكادو - ليمون - طماطم مقطعه صغييير - ثوم - بصل مقطع صغيير - بقدونس مفروم
    اهرسيهم سوا واستمتعي مع الناتشوز :).
    بالنسبة لي التورتيلا احطه دقيقه ونص بالميكرويف او لمّا يجهز - وحده من العجّازون - لول

    ReplyDelete

Back to Top