Contour Palettes كونتور باليت انستازيا وكات فون دي ولوراك ونيكس

صباح الخير جميعاً
قررت اتكلم عن اشهر باليتات الكونتور بأسواقنا واللي اشتهرت بالفترة الأخيرة بأذكر ايجابيات كل منها ولكن بنفس الوقت ما ابي اقارن فيما بينهم لأن كل باليت له مميزاته الخاصه اللي راح تكتشفونها
شرحي مختصر واتمنى انه يفيدكم بأختيار باليت الكونتور المناسب لكم
بأترجم الموضوع بكره ان شاء الله ولكن كنت جداً مستعجلة وحبيت أنزل الموضوع اليوم قبل بداية الشهر الجديد

ولكل المتابعات بصمت لاتبخلون علي بتفاعلكم وبإشتراكم بمدونتي، كل اللي عليكم تضغطون الزر الأزرق"join this site" راح تحصلونه على يمين الصفحة مثل اللي بالصورة

*سبحان الله وبحمده سبحان الله العظيم*

كونتور انستازيا 

بديت أستعمله اخر شهر من عام ٢٠١٥ وللأمانة أنصدمت بجمال جودة الباليت وتمنيت اني مجربته من زمان لأني وبكل سهولة كنت بأشمله من ضمن مفضلاتي السنوية ومن رأيي يستحق الهبة والمدح.

 درجاته عمليه وبإمكانك استخدام الدرجات الباردة للكونتور والدرجة الدافيه للبرونز واضافة دفء للبشرة

حتى بودرات الاضاءة تقدرين تدمجينهم مع بعض لتثبيت الكونسيلر بحيث تنور منطقة تحت العين 

ونقطة جداً جداً مهمه بالنسبة للبودرات بهالباليت ماتبرز المسام بشكل بشع ولا تبرز الخطوط الرفيعه 

ومثل ماقلت سابقاً كل اللي تحتاجينه كميه قليله وتذكرو الشي اذا زاد عن حده قلب ضده .. 

- سهل دمجه وتوزيعه 

- يتناثر بشكل خفيف جداً 

- صبغته شبه عاليه 

- قابل للبناء، أقدر أغمق اللون عن طريق وضع طبقة ثانية 

- ثباته عالي ولكن احس هالنقطة تعتمد بشكل كبير على نوع الفاونديشن اللي تستخدمينه

- حجمه صغير وسهل انك تحطينه بشنطة مكياجك او للسفر

- النقطة الوحيدة السلبية فيه انه مايحتوي على مرايه

- تنباع البودرات سنقل برضو، فـ تقدرين تشترينها بشكل فردي بدون الباليت 

- الباليت متوفر بثلاث درجات واللي هم: 

- باليت المخصص للبشرات الفاتحة/ المتوسطة:

يناسب ابتداءً من البشرات الفاتحة ان سي ١٥ الى البشرات الحنطية المايلة للمتوسطة ان سي ٤٢ .. 

- باليت للبشرات الحنطية: 

يناسب بشكل عام البشرات الحنطية والداكنة ابتداءً من ان سي ٤٤ الى البشرات السمراء ..
- باليت للبشرات الداكنة: 
تناسب للبشرات الداكنة والداكنة جداً 

- السعر: حول الـ ٢١٠ ريال 

- أماكن الشراء: فروع سيفورا او اونلاين من موقع سيفورا او نوردستروم او بيوتي دوت كوم أو موقع انستازيا

كونتور كات فون دي

المنافس الحقيقي لكونتور انستازيا، ذكرته من ضمن مفضلاتي لعام ٢٠١٥ بما اني استعملته نص هالسنة 

جودة الباليت عاليه وملمس البودرات جداً ناعمة اشبه بالزبدة اللي تسيح على بشرتك وكأنها تدمج نفسها بنفسها من نعومة البودرة وبرضو اهم نقطة بالنسبة لي ان البودرة ما تبرز المسام بشكل بشع ولا تقعد بين الخطوط الرفيعه.. 

اعجبتني تدرجات الباليت وان كل الدرجات مطفيه بعكس الباليت الثانية .. 

بودرات الاضاءة جداً جداً جميلة اعجبني تدرجاتها واختلاف الاندرتون بحيث تناسب لكل البشرات 

الباليت عملي ويناسب جميع درجات البشرة ماعدا البشرات الداكنة جداً من ناحية الكونتور.. 

- الباليت متوفر بدرجة وحدة فقط

- سهل دمجه وتوزيعه 

- يتناثر بشكل متوسط 

- صبغته عاليه وبمسحه خفيفه بالفرشة تعطيك لون ويفضل تخفين يدك لما تستخدمينه

- قابل للبناء، أقدر أغمق اللون عن طريق وضع طبقة ثانية 

- ثباته عالي ولكن احس هالنقطة تعتمد بشكل كبير على نوع الفاونديشن اللي تستخدمينه

- بالرغم ان حجمه شبه كبير ولكن وزنه خفيف وسهل حمله والتنقل به 

- السعر: ٢٣٠ ريال 

- أماكن الشراء: فروع سيفورا او موقع سيفورا الرسمي  

كونتور لوراك برو 

تصدقون هالباليت شريته قبل كل هالباليتات وحبيته ولكن بعد ماجربت منتجات ثانية تغيرت نظرتي بشكل بسيط 

مازال يعتبر بنظري جميل ولكن فيه الأفضل منه .. 

من ناحية ملمس البودرات ناعمه جداً وسهل دمجها وتوزيعها ولكن تدرجات الباليت محدودوة ولا تناسب جميع البشرات بالأخص بودرات الاضاءة احسها تناسب للبشرات الفاتحة فقط 

اما الكونتور يناسب البشرات الفاتحة ان سي ١٥ الى البشرات الحنطية ان سي ٤٢ 

- لاحظت ان الدرجات أغمق بالسواتش بنص درجة ... 

- الباليت متوفر بدرجة وحدة فقط

- سهل دمجه وتوزيعه 

- يتناثر بشكل خفيف 

- صبغته عاليه ولكن احس هالنقطة تعتمد بشكل كبير على نوع الفاونديشن اللي تستخدمينه

- قابل للبناء، أقدر أغمق اللون عن طريق وضع طبقة ثانية 

- ثباته عالي ولكن احس هالنقطة تعتمد بشكل كبير على نوع الفاونديشن اللي تستخدمينه

- حجمه صغير وسهل انك تحطينه بشنطة مكياجك او للسفر

- السعر: حول الـ ٢٠٠ ريال / اونلاين سعره ٤٥ دولار 

- أماكن الشراء: فروع سماش بوكس بالرياض أو اونلاين من موقع سيفورا او نوردستروم او بيوتي دوت كوم 

يجي معاه فرشة للكونتور جميلة بمعنى الكلمة وتسهل الدمج 

كونتور نيكس 

من ناحية الجودة يعتبر أقل باليت كونتور جودة بمجموعتي ولكننننن مقارنةً بسعر الباليت مقدر اشتكي اطلاقاً من جودته 

بودرات الاضاءة ما اعجبتني قوامها بودرة وبزيادة تبرز المسام وبعض الاحيان توضح بودرة بزيادة على البشرة 

اما بالنسبة للكونتور احسه العكس حبيت درجاته العمليه واحسه يناسب جميع البشرات ابتداءً من الفاتحة للداكنة 

- الباليت متوفر بدرجة وحدة فقط

- تنباع البودرات سنقل برضو، فـ تقدرين تشترينها بشكل فردي بدون الباليت 

- ماراح اقول ان سهل دمجه لان يبغاله شوية دمج ويضبط .. 

- يتناثر بصورة مزعجة 

- صبغته عاليه وبمسحه خفيفه بالفرشة تعطيك لون ويفضل تخفين يدك لما تستخدمينه

- قابل للبناء، أقدر أغمق اللون عن طريق وضع طبقة ثانية 

- ثباته شبه متوسط ولكن احس هالنقطة تعتمد بشكل كبير على نوع الفاونديشن اللي تستخدمينه

- سلبياته: 

- مايحتوي على مرايه 

- تعليبه غير عملي وكبير حجمه 

- السعر: ٢٥ دولار 

- أماكن الشراء: لحد علمي فقط متوفر اونلاين هنـا  

           

Don't forget to Subscribe to my blog and follow me on Twitter, Insta, Flickr, and Tumblr 

لاتنسون تشتركون بالمدونة وتتابعوني على تويتر, إنستقرام, فلكر, وتمبلر