Too Faced Born This Way Foundation and Concealer فاونديشن وكونسيلر توفيسد بورن ذيس واي

ملخص عن فاونديشن توفيسد بورن ذيس واي 
وصف المنتج: 
يوعد بإعطاء مظهر طبيعي بسبب إحتوائه على ماء جوز الهند لترطيب البشرة وزهور جبال الألب لإعادة نظارة البشرة وحمض الهايلورونيك لإخفاء التجاعيد. 
- الدرجات المتوفرة: ٢٤ درجة، أجمل شي فيها اختلاف الاندرتون وبسهولة تحصلين درجتك خصوصاً للبشرات الدافيه 
- التغطية: متوسطة لعالية 
- تقدرين تتحكمين بالتغطية بحيث تدمجين كمية صغيرة مع لوشن وتوزعينها بالبيوتي بلندر لميك اب خفيف ويومي
- كميه قليلة منه تكفي لكامل الوجه
- سهل توزيعه ومده .. 
- خفيف على البشرة وماراح تحسين فيه. 
- مايبرز المسام أو يقعد بين الخطوط الرفيعة
- ما يتأكسد 
- خالي من الدهون 
- يناسب: جميع البشرات 
- النتيجة: مظهر شبه ساتن للبشرة الدهنية/ ومظهر طبيعي للبشرة المختلطة والعادية
- يدهن بعد ٤ ساعات او يمكن اقل او أكثر إعتماداً على الجو.
- ريحته جوز هند تختفي بعد توزيعه
- المدة: يدوم لمدة طويلة (أكثر من ٧ ساعات) 
- لايحتوي على اي نسبة حماية ضد الشمس 
التعليب: بسيط وعملي والأهم انه فيه ضغاط 
- السعر: ١٨٧ ريال 
- أماكن الشراء: متوفر بجميع فروع سيفورا  أو عن طريق موقع سيفورا لدول الخليج 


رأيي بشكل عام: 
أول مانزل هالفاونديشن كان له ترويج هائل ومدح بشكل مو طبيعي لدرجة تخليك تفكرين انه الفاونديشن السحري
بعد تجربة طويلة بجد أقدر اقول جداً حبيته ويعتبر من أكثر الفاونديشنات اللي ناسبت مراحل تغير بشرتي، خفيف ومريح ما يكتم البشرة برغم تغطيته العالية.
ما انصح فيه بفصل الصيف للبشرات الدهنية لأن بيدهن بعد ساعتين او حولها فـ الأفضل تستخدمين برايمر يتحكم بالدهون قبل توزيعه
ريحته مزعجة بالنسبة لي تختفي بعد دقيقة الى دقيقتين من توزيعه، حبيته وأنصح فيه وبقوة كل اللي عليك تضبطين درجتك فيه وأمورك بتكون بالتمام..


كونسيلر توفيسد بورن ذيس واي 
- الدرجات المتوفرة: ١٦ درجة
- يناسب: جميع البشرات 
- التغطية: خفيفه لمتوسطة 
وغير كذا تقدرين تحطين اكثر من طبقة ماراح يتكتل عليك 
- النتيجة: مظهر طبيعي 
- خفيف على البشرة وماراح تحسين فيه ..
- جميل لتحت العين مايخطط ولا يجفف المنطقة اطلاقاً 
- مايتأكسد 
- قوامه خفيف وسهل توزيعه ومده 
- جميل الكونسيلر أقدر حتى استخدمه لحاله بدون فاونديشن 
- المدة: يدوم لفترة طويلة ( أكثر من ٧ ساعات) 
- يحتوي على 0.7 مل 
- السعر: ١٣٨ ريال 
- أماكن الشراء: متوفر بجميع فروع سيفورا او عن طريق موقع سيفورا لدول الخليج 

رأيي بشكل عام: 
من أجمل الكونسيلرات عندي ولكن انا انصدمت من كميته اقل من ١ مل!! وسعره يعادل كونسيلر اربن ديكاي اللي يحتوي على ٥ مل!!! وهالنقطة بحد ذاتها تنرفز للأمانة وأعتبره إستغفال للمستهلك
جميل ولكن أشوف ان سعره مبالغ فيه على الكمية! وأشوف ان كونسيلر اربن ديكاي يعادله وأفضل منه بشوي. 



1 comment

  1. finally .. i have been waiting for you to blog for so long .. i have heard a lot about this foundation & it becomes one of my first foundation on my list .. and after this post i think am gonna buy it ..
    اخيراً رنا .. من زمان استنى .. الفاونديشن سمعت مدح كثير عليه بشكل لا يعقل .. حالياً على القائمة ..
    بدايه جميلة .. نرجع لحماس التدوين و البوست اللي تسويها .. فعلاً و انا اقرأ تذكرت كل البوستس اللي فاتت
    يعطيك العافية رنو .. و كالعاده متحمسه للي جاي ❤❤

    ReplyDelete

Back to Top